Pizza Maru (希慎廣場)

Open Now

Now Closed

老公同阿仔最鍾意嘅pizza就係Pizza Maru 嘅Chicago pizza，所以久不久都會去幫襯。韓國烤肉芝加哥 （$213）邪惡拉絲芝士pizza 🍕我哋又見面啦！😋批邊甜甜地，有咬口，入面係芝心，食到批邊都會忍唔住食埋佢。配料其實份量唔多，不過調味、勁量芝士同埋上枱時熱辣辣，全部夾埋就好好味😋Classic pepperoni 辣肉滿溢 🍕 （$138）相對地比較多料，不過批底冇咁有特色。我哋未order過，所以叫嚟試吓。味道都唔錯，不過去其他餐廳都會食到。下次應該唔會再點。牛油蜜糖炸雞🍗(6件$118）都係佢地兩仔爺嘅必食之選。上次食嘅時候覺得D雞細件咗份量又少咗，今次諗住比多次機會，睇吓有冇改善。好彩都冇令人失望，份量正常返，味道一如過往，牛油味香濃，外皮炸到金黃色，入面包住嫰滑雞肉。（張相我影遲咗，佢哋兩個已食咗幾塊雞😅）最後試咗個鳳梨蝦芝士拌飯($139)。蝦仁都幾多，不過味道一般，有啲似食pepper lunch 😅下次可以試其他款式。