成都老碼頭火鍋 (Closed)

今晚凌晨突然興起同女友走過黎大角咀食正宗成都打邊爐。因為宵夜時段68折!入到黎仲有四，五桌客人。 醬料費每位$25係出面有各式既調味料，最緊要拎緊係老碼頭麻油啦！ 超掛住用蠔油加麻油混合而成油碟。今次呢到竟然可以用微信嚟點餐!不過只限於點餐而不能支援微信付款。宵夜時段會送涼盤一碟有青瓜同埋木耳。今次 叫咗 鴛鴦湯底$158成都麻辣小辣加豬骨。 當油豆腐串放咗落去之後吸曬啲辣汁辣度都真係幾誇張。功夫土豆片切得好薄，擺盤好似朵花甘。皇帝雞件滾咗好耐肉質都仲好滑。蒙古羊肉幾有羊味。紫薯寬粉每次火鍋必點，煙韌qq! 即炸酥肉熱辣香脆，沾乾碟一流。即搾西瓜汁/$58天然但多渣左少許。呢度嘅用料普遍都唔錯。西瓜，哈密瓜都係醬料bar任拎。呢餐兩人共食左600幾。