樂天大喜屋 (Closed)

話咁快就完咗大學生涯。今日我哋一班同學嚟食放題賀一賀。第一round 先落大量刺身。呢度刺身種類相當豐富，有帶子、油甘魚、三文魚、劍魚... 全部都好新鮮冇腥味，亦唔會唔老實咁夾啲水尾/冇落order嘅item整飽你。熟食方面除咗常見嘅炸物同串燒，仲有一品料理。最推介嘅係炸得香脆唔油膩，夠晒juicy 嘅芝麻雞翼。天婦羅炸皮偏硬脆。黑椒味超濃嘅牛舌亦係重點推介，唔會燒得過乾，牛舌仲好爽口同嫩。燒新鮮菠蘿係開胃之選。未上菜之前可以去自助沙律吧同甜品吧醫肚先。甜品入面new York cheesecake, 黑糖mochi, 奶凍都係信心冇伏之選。最後係一人一杯嘅雪糕，有movenpick/ haagen dazs多款口味，為呢餐完美作結。