Video
Read full review
2018-03-22
14531 views
臨急臨忙先決定食BUFFET, 打去cafe east已經話full booking 要wait list, 6:30pm去到侍應話只有對面走廊位, 不過其實都唔係好遠, 反而仲可以行下運動下, 而且比自助餐範圍安靜一點「牛迷盛宴」自助晚餐只係星期一至四供應, 成人收費$538, 不過join be our diner member會有75折, 去到問侍應拎form就可以自助餐包一杯餐飲, 今次主打係「牛」,食物種類非常多, 而個人覺得熟食同甜品比當日海鮮更加高質。🤣沙律/前菜區: 風乾火腿/芝士/沙律都係果d大路野, 超過6種sauce, 特別既係有風乾牛肉同牛肉cappacio, 係歐洲食過之後都念念不忘, 不過呢款就無咁油膩, 幾香!當日刺身有3款, 三文魚/玉子/tuna/象拔蚌, 全部都好新鮮, 壽司都有好多款, 比日式放題更高質!海鮮: 無蠔, 有龍蝦/蟹腳/蝦/青口etc, 外觀睇落唔係太新鮮, 不過蟹腳食落幾鮮味, 而蟹腳以外既海鮮都覺得無咩味, 試過就算。🤭鐵板燒: 有澳洲和牛/三文魚排/大蝦/羊架等等, 只係試左頭3款, 和牛都幾腍, 大蝦煎得岩岩好, 肉質好滑,
「牛迷盛宴」自助晚餐只係星期一至四供應, 成人收費$538, 不過join be our diner member會有75折, 去到問侍應拎form就可以自助餐包一杯餐飲, 今次主打係「牛」,食物種類非常多, 而個人覺得熟食同甜品比當日海鮮更加高質。🤣
沙律/前菜區: 風乾火腿/芝士/沙律都係果d大路野, 超過6種sauce, 特別既係有風乾牛肉同牛肉cappacio, 係歐洲食過之後都念念不忘, 不過呢款就無咁油膩, 幾香!
當日刺身有3款, 三文魚/玉子/tuna/象拔蚌, 全部都好新鮮, 壽司都有好多款, 比日式放題更高質!
海鮮: 無蠔, 有龍蝦/蟹腳/蝦/青口etc, 外觀睇落唔係太新鮮, 不過蟹腳食落幾鮮味, 而蟹腳以外既海鮮都覺得無咩味, 試過就算。🤭
鐵板燒: 有澳洲和牛/三文魚排/大蝦/羊架等等, 只係試左頭3款, 和牛都幾腍, 大蝦煎得岩岩好, 肉質好滑, 三文魚就正常。而係旁邊仲有紅肉燴牛肉/天婦羅/金菇牛肉卷/芝士焗蠔, 仲有重點, 乳豬飯! 乳豬皮非常脆, 好食過好多酒樓同燒味店架!!🤩
熟食區方面, 燒牛柳唔會太鞋, 因為無其他buffet 果d咁大舊, size 更好, 而右下角果個黑松露海鮮意粉煮得非常香, 有大蝦/起左肉既蟹鉗, 平時少食粉麵既我都食左一碟意粉!
另外, 仲有幾款家常菜, 蒸魚/牛柳粒/蜆, 花膠鮑魚好入味, 唔un, 仲有燒乳鴿, 皮脆肉嫩!
當日眼見全場有4款湯水, 不過分開擺放, 有燉湯, 雞湯, 五指毛桃湯, 忌廉湯麻麻。而咖哩區都好多選擇, 巴東羊肉好腍, 隔黎仲有個好正既牛肉串燒, 我估係和牛, 因為係真係好好好腍, 不過要等師傅慢慢燒xd
終於講到最期待而我最睇重既甜品, 除左一系列一口既芝士蛋糕(SIZE好好, 好moist唔會太膩), 仲有成個甜品櫃既mouse/布甸/蛋糕, refill係會推出唔同款, 仲有燕窩燉蛋/葡撻/6款哈根大師+香脆泡芙, 仲有即做既芝士撻同soffle, 班蘭窩夫同檳城夾餅, 有特色之餘仲要每一款都好味, 真係好好味!! 不過款式太多, 個人推介macaron, 芝士撻, 芝士蛋糕,綠茶/榴槤布甸, 同埋個雪糕puff!
而最吸睛既就係佢地既點心甜品, 有4款, 不過去到最後得番3款, 其實係椰汁糕之類黎, 姐姐仲比左張食得既點心紙我, 好過癮, 唔單止用黎影相一流, 都幾好食既!
overall黎講, 已經好耐無食過咁多選擇既buffet, 仲有每款質素都好高, 折後400蚊真係超值, 而且侍應收碟都好快, 廚師們都好友善😊~Post
