148
30
6
Exit P1, Tsim Sha Tsui / East Tsim Sha Tsui MTR Station/ Exit D1, Hung Hom MTR Station continue reading
Telephone
23134222
Introduction
Café East匯聚琳瑯滿目的中西美食,價錢合理,是千禧新世界香港酒店最受歡迎的食肆之一。全日供應豐富的自助早﹑午﹑晚餐,讓您嚐盡環球國際美食。 continue reading
Opening Hours
Today
06:00 - 21:30
Mon - Sun
06:00 - 21:30
Payment Methods
Visa Master Cash AE JCB
Number of Seats
150
Other Info
Alcoholic Drinks
May Bring Your Own Wine Details
Parking
Phone Reservation Details
10% Service Charge
Above information is for reference only. Please check details with the restaurant.
Review (207)
Level4 2024-03-02
2288 views
呢間酒店的確不算出名,而且位於尖東最邊皮的位置,地鐵甚至毛紅磡較近,很少會聽到家人朋友推介呢間酒店嘅自助餐,這次終於來到一試。的確,無論門面另一位內裏的裝修,都非常之陌生,應該印象中是30幾年人第一次入嚟呢間酒店😂。係攞凍盤、芝士、刺身那個位,有個轉彎位可以見到出邊窗外風景,另外離開那個位置,亦都同樣有落地玻璃可以看到外邊的海景,算是比較懷舊。睇落好似好大,有幾個唔同嘅Station,不過的確好似妻子所講,每個Station好大,但其實份量好少,而且出手比較孤寒。好似這個刺身嘅櫃檯,好似好大,只有四款,三文魚、吞拿魚、希靈魚、八爪魚,大部份人都不會吃希靈魚,而且三文魚和吞拿魚都非常細塊,份量非常少的,因此都不太吃到鮮味。叫做比較特別嘅,就係它有芥末八爪魚,我也吃了幾羹的芥末八爪魚。另外凍盤,長腳蟹,不過沒有太濃郁海水鹹味,味道普通;反而我覺得青口唔錯,可能因為其他凍野不特別出色,反而青口尚有大大隻,顯得不太差。😀另外的凱撒沙律,據說職員同你混醬之後,會只給你其中一部份。前面見到有煮熱麵的,不過都沒有特別試,見到幾個嬰孩都在吃墨魚丸類,大快朵頤。看看這盆熱食,咖喱味道看起來不太特別,我試咗呢個忌廉雞,比較帶點奶油的味道,而它的烤餅都不算特別,無論是薄脆的,定還是厚的烤餅,都沒有特別的香氣。另外據聞切羊架挺不錯,不過食得太多肉,都沒有特別是,試試那個切牛扒,看起來好像帶點粉嫩,但其實味道會呀各位普通,而且牛肉偏熟,味道欠奉。另外還有一個叫做黑松露北京填鴨卷,裏面有京蔥、青瓜以及一件北京填鴨,不過鴨肉沒有濃郁香氣,而且它用的是黑松露味道的薄餅,薄餅唔夠乾薄,相當之厚身,比較似日式班戟多過鍾意食填鴨那種薄餅皮,雖然特別,不過黑松露唔係特別受歡迎,只係俾面佢即叫即整,否則唔使再試。另外熱葷叫做好啲嘅,就係有魷魚以及大蝦球的熱食,幾款海鮮都大大件,大快朵頤。據說飲品沒有任飲,咖啡奶茶只得一杯,但其實你可以是以職員幫你斟汽水或者橙汁,而且可以添飲的,那麼還不太差哦。這個咖啡,拿鐵味道都不算太差,但由於媽媽不愛黑咖啡,於是我看了她的,感覺咖啡豆的味道也夠香濃,其實算是不錯的。不過佢咁多隻雪糕,兩隻都是名牌,一隻就是movenpick 的雪糕,令一隻就是哈根大師雪糕,都算係喜出望外,本身因為我諗住一定係會越食越少,到最尾冇晒甜品。點知食完一個綠茶批發現仲有,於是這等自助餐就吃了兩個綠茶雪糕批,真美滿。另外還可以見到咖啡味,甚至乎是榴槤味雪糕。另外還有早10年很流行的自行製乳酪的機器在最裏頭,另外其實甜品都算挺多,起碼有一大個甜品櫃,雖然我不太啱食,不過都算琳琅滿目,另外還有出邊有個咖啡味奶凍,另外還有一個朱古力味撻,雖然朱古力味偏甜到,不過由於個撻底夠硬脆,還是吃得挺為可口的。職員服務未算是賓至如歸,但也總算是有求必應,基本上你揚手,他看着你那邊的方向,不會回應,以及純屬回應你的需求,或是幫手拿相機拍照,算是不錯。 continue reading
(The above review is the personal opinion of a user which does not represent OpenRice's point of view.)
Level3 2024-06-09
0 views
為避開姪女考試期,要提早慶祝父親節。在衡量過時間、地點、價錢、環境、食味等各種因素後,最終決定去Cafe East。打從查詢價錢開始,無論訂位、付訂金、確認座位、安排座位、用餐體驗,到離開餐廳,都感受到員工的禮貌、對餐廳政策的熟識程度、對顧客要求的回應,深深體會到什麼是待客之道。是W酒店須要好好學習的一課。是晚被安排坐在餐廳的半梳化座,環境空間感充足,食物枱也在不遠處,方便兩老自由出入,揀選心水食物。🍣除了一般的壽司、刺身、冷盤、天婦羅、粉麵外,時晚的食物選擇也不少:🦞白汁芝士焗開邊龍蝦,香濃的芝士配上帶膏的龍蝦,龍蝦肉彈牙,是怕吃凍龍蝦的另一好選擇。🦪蒜蓉焗蠔,蠔身用大量炒香的蒜茸覆蓋,入口頗鹹。蒜蓉粉絲蒸元貝,超大隻,連粉絲也夠軟腍入味。🦪薑蔥炒生蠔,自助餐很少吃到的菜色。🐟清蒸蒸比目魚,啖啖魚肉,火候剛好,入口香滑。🍄北姑鮑魚扣鴨掌,鮑魚有咬口,鴨掌夠腍,一碟接一碟供應,大方程度與JWCafe不相伯仲。🫕是晚燉湯是茶樹菇花膠燉雞,用料充足,入口帶點苦澀味,可能是茶樹菇的品質,可以留意一下。🍰各種甜點,是Cafe East不可錯過的,無論是打咭呃like或是獎賞味蕾均可。餐廳定時亮點:7:15pm有朱古力心太軟7:45pm班戟梳乎厘8:45pm有焗榴槤🍹除了基本的餐茶外,入座期間更可享橙汁、汽水無限量供應。🍦雪糕雪條有Haagen-dazs、Mövenpick、維記三種牌子。有全新的雲呢拿藍莓馬卡龍雪糕,入口有煙韌的餅粒,個人覺得整體偏甜。最後想講,是晚用餐後,也覺得是正確的選擇。餐廳資料:尖沙咀千禧新世界酒店1樓Cafe East。下載手機app成為嘗薈會員,自助晚餐可享買2送1或75拆優惠。自助晚餐時間:晚上6時30分至9時30分價格:星期一至四,成人每位港幣738元;小童每位港幣518元星期五至日及公眾假期,成人每位港幣788元;小童每位港幣548元(拍了片,原來不可以在這裏上傳😅,Ig見) continue reading
(The above review is the personal opinion of a user which does not represent OpenRice's point of view.)
Level1 2024-06-07
0 views
自從上次食完千禧新世界酒店Café East自助午餐感覺性價比幾高之後即刻訂返個靚枱同屋企人食個晚餐先,今次又係令我好滿意嘅一個dinner。員工都係好友善。然後嘢食嘅味道吾錯。好多款嘅海鮮,凍蝦、凍蟹、刺身、凍螺、凍青口凍龍蝦同埋有燒扇貝同埋燒龍蝦。好多唔同國家嘅美食好多款燒既肉類牛、豬、三文魚、羊架,最欣賞就係燒羊架,反而屋企人就好欣賞佢個燒和牛。最重要嘅甜品,因為我真係超級無敵爆炸鍾意食甜品。甜品選擇例如即整疏乎厘、心太軟、烏龍茶奶蓋、楊枝甘露、歌劇院蛋糕都好欣賞,同埋最重要最重要最重要有Haagen-Dazs同MOVENPICK雪糕任食。今日既晚餐,屋企人都食得非常之開心。講真呢個價錢可以食到呢個質素吾錯,而家仲有優惠買二送一都唔使$600一個人,認真性價比係幾OK。 continue reading
(The above review is the personal opinion of a user which does not represent OpenRice's point of view.)
Level1 2024-06-02
0 views
佢係海鮮做主打佢嘅麵包蟹同長腳蟹都超級好食啲中蝦都好新鮮😍 佢而家又有白酒炒大蜆同埋法式焗田螺都好好食❤️三文魚刺身都好食佢嘅咖喱真係特別推薦見到係印度人主理真係食過最好食嘅咖喱我同朋友都一致認同咖喱係食過最好食嘅咖喱鍾意食咖喱嘅一定唔可以錯過😍佢嘅甜品都好高質仲有芒果班戟芒果瑞士卷都好推薦鍾意食甜品嘅真係唔可以錯過,因為我本人十分之喜歡食甜品🙈佢嘅焦糖布甸都好正仲要橙汁汽水任飲同埋包一杯咖啡茶 四個人以上仲有六折😍 continue reading
(The above review is the personal opinion of a user which does not represent OpenRice's point of view.)
Level3 2024-05-06
318 views
Cafe east! 我想試好耐㗎啦。呢間酒店宣傳自己走市場風格,洋溢悠然舒閒的「鄰家」居家氛圍,的確環境舒適,食物豐富,果然冇令我失望。首先講吓主菜啊,冇影太多相,但係味道都唔錯。我覺得佢啲魚生都好新鮮,嗰塊脆魚柳令我難忘㖭啊,無論係牛柳定係雞腿都好好食。之後想講呢個食完又食嘅甜品。呢個甜品,我第一次喺酒店buffet見到,係一個即席有廚師烹調嘅芒果班戟,有脆皮朱古力外層,熱辣辣非常美味,仲有鮮窩夫任我哋攞。我同其他朋友都食得好開心,仲攞咗幾次添,新鮮熱辣辣嘅窩夫,喺假期增添韻味,令我哋大家都好驚喜!甜品方面,簡直冇得彈。我好鍾意佢哋蛋糕種類繁多,每款都非常精緻。圖片中嗰個蜜蜂蛋糕,睇得小朋友好開心。而朱古力外皮吉士忌廉撻、焦糖燉蛋、朱古力慕絲、藍莓蛋糕都整得好有心思,仲有無限攞嘅movenpick雪糕呀。整體非常滿意,好想快啲再去食! continue reading
(The above review is the personal opinion of a user which does not represent OpenRice's point of view.)