吉壽日本料理 (Closed)

好耐無食放題，今晚決定要一次過食到夠。吉壽依然咁靚同埋多野食。自助吧有好多野食。攞左醉雞翼，海帶，海蜇同埋炸雞粒。醉雞翼浸得好夠味，而且肉質滑，彈牙。海蜇同海帶都好彈牙好味。炸雞仲熱辣辣，正。天婦羅炸得乾淨，白色。蝦好新鮮，呢度既天婦羅整得好鮮，無油膩既味道。最愛串燒雞軟骨。調味料落得啱啱好。雞軟骨彈牙爽口，適量既調味料更加提升雞軟骨既味道。牛舌燒得水份夠，唔會太老。口感多汁彈牙，加埋檸檬汁真係好開胃。呢度仲有得叫齋鰻魚，唔洗配飯糰。任食食到夠為止。鰻魚整得真係好好味，而且好新鮮。encore左好多碟，因為鰻魚整得好好食。叫左玉子同劍魚腩刺身。劍魚腩既油脂分佈均勻，口感同拖羅相似，而且新鮮無腥味，好好食。呢間放題水準都依然保持高水平，值得再食。