JK Brother’s (Closed)

呢間餐廳開咗無耐就引起熱話，因為好少香港餐廳，特別係放題會食到醬油蝦同生八爪魚呢兩樣極具韓式風味嘅菜式。之前我去過一次韓國，但行程關係無緣食到生八爪魚。雖然自己都唔係好夠膽試，一想像到八爪魚會係個口郁郁下同吸住就覺得好崩潰。醬油蝦係韓國都有專程去試，但當時並無覺得好好食，可能係做法唔同或者唔夠正宗。當知道香港有餐廳放題食到呢兩樣野，都幾心動，所以約咗朋友去試。-刺身挪威三文魚、原隻有頭甜蝦、帶子個類都有叫到，味道都頗不錯。三文魚肥美厚身，食落都新鮮，我自己都食咗十幾塊。-醬油蝦呢款真係好唔錯，啲蝦好彈牙有韌性，啖啖肉。入口有淡淡醬油鹹香，令人忍唔住食完一隻又一隻。同枱人點完又點，每次都食哂一大盤，好犀利。-韓式活八爪魚刺身八爪魚真係不斷蠕動，其實我超驚，但又好想試下。見同枱人鼓起勇氣食完話其實無野，吸力唔太強。試完又真係幾得意，咬落幾清爽同有鮮味。加上少少芥末醬油，風味更佳。-脆炸香蕉呢款食物細細粒，香蕉味好濃烈。不過稍嫌油咗啲，食咗一兩舊就唔太想食。呢間嘅雪糕種類同平時見開個啲唔太一樣，有士多啤梨希臘乳酪雪糕批、雪糕三文治等，好正。士多啤梨希臘乳酪雪糕批都幾正，我都食咗兩啖。由於我好