Video
Read full review
2022-01-24
49 views
一般burger都超級大個，有時一個人食晒一個漢堡加埋薯條同汽水真係會超級飽，但呢一間漢堡店的迷你漢堡可以兩三口就食晒，而且座位寬敞，適合女生傾計嘅好地方。 餐牌有六款漢堡可以選擇，另外可以加配菜飲品。Double Set可以選擇兩款漢堡+一款配菜+飲品；Triple Set可以選擇三款漢堡+一款配菜+飲品。六個包有唔同嘅名字，單睇名未必會知道佢係有咩配料同咩味道，餐廳都好溫馨地在餐牌嘅另一邊有得看圖識字，睇住幅相去揀就易好多。另外好適合有選擇困難症嘅朋友一齊食，有六款包，如果每人帶一個Triple set分別係三個唔同嘅包就可以試晒六款了。 朋友當時不是太肚餓，於是我同朋友就叫左一個Double set同Triple set。 店員好快就送上沙律，有火箭菜及車厘茄，火箭菜相當新鮮，加上了黑醋，味道一流。 配菜我哋揀咗sweet potato fries 同 Mexi-corn。蕃薯條相當甜，最估唔到係配明太子醬，個明太子醬簡直係一流，濃濃的明太子醬帶出少少辣，點番薯條一起吃原來口感係咁夾，正！食到停唔到口！Mexi-corn 一上菜感覺係好靚，好多配料有粟米粒，紫洋蔥，蔥花，蕃茄，以
餐牌有六款漢堡可以選擇，另外可以加配菜飲品。Double Set可以選擇兩款漢堡+一款配菜+飲品；Triple Set可以選擇三款漢堡+一款配菜+飲品。六個包有唔同嘅名字，單睇名未必會知道佢係有咩配料同咩味道，餐廳都好溫馨地在餐牌嘅另一邊有得看圖識字，睇住幅相去揀就易好多。另外好適合有選擇困難症嘅朋友一齊食，有六款包，如果每人帶一個Triple set分別係三個唔同嘅包就可以試晒六款了。
朋友當時不是太肚餓，於是我同朋友就叫左一個Double set同Triple set。
店員好快就送上沙律，有火箭菜及車厘茄，火箭菜相當新鮮，加上了黑醋，味道一流。
配菜我哋揀咗sweet potato fries 同 Mexi-corn。蕃薯條相當甜，最估唔到係配明太子醬，個明太子醬簡直係一流，濃濃的明太子醬帶出少少辣，點番薯條一起吃原來口感係咁夾，正！食到停唔到口！
Mexi-corn 一上菜感覺係好靚，好多配料有粟米粒，紫洋蔥，蔥花，蕃茄，以淡忌廉青檸調味，入口第一下感覺係好墨西哥feel，酸酸甜甜好易入口令人開胃。
迷你漢堡包有六款，我哋揀咗當中五款來試，包括Classic, Miso Sakana, Peking Quack, Mr.Porter 同Fantastic Mr. Fungi。
Classic:叫得classic 當然就係經典漢堡包有一塊漢堡，芝士，生菜，蕃茄，洋蔥，黃瓜。相當出色嘅係塊漢堡非常厚身，但可以做到肉質鬆軟好有肉味，牛肉愛好者必試！
Miso Sakana：簡單形容就係味增魚柳包，亦都係一個相當出色嘅製作。配料有青瓜椰菜火箭菜，魚柳鮮嫩多汁，加上秘製味增醬，甜甜地鹹鹹地口感新鮮，坊間漢堡店比較少呢類口味，可以一試。
Peking Quack：北京填鴨漢堡，我最愛這一個fusion製作，是一大驚喜！填鴨醃得相當相當入味，師傅將鴨肉切絲，幼幼的鴨肉絲啖啖都好入味，最得意係上面有一隻小小的太陽鵪鶉蛋，將蛋汁撈埋肉絲一齊放入口，十分滋味！呢個一定要試！
然後兩款都係素食漢堡：Mr Porter & Fantastic Mr. Fungi
Mr Porter係大啡菇加青瓜絲，大啡菇肥大肉厚。
Fantastic Mr. Fungi 呢個朋友比較鍾意，蘑菇味香濃加上菠蘿牛油果同菜，口感一流。
食過肉類漢堡，然後用素食嘅漢堡作結束，係完全能夠沖走飽膩感覺，愉快地過了一個元氣滿滿的下午。
Post
