串燒堂 (Closed)

星期五的晚上，與友人暢泳過後不禁飢腸轆轆，打算隨便走入一間醫肚算數，經過呢間開到凌晨三點的串燒店，一於入去幫襯。我們雖然食得不多，但「小食多滋味」，我們叫咗幾款串燒熱門items：燒牛肋肉串因為接近肋骨部位，所以食落比起普通牛肉更有咬口，火燒令牛肋肉逼出油香，正！燒蒜蓉帶子蒜蓉超級多而濃味，但又不搶海鮮應有的鮮美。燒豆卜串燒必點item，豆卜燒至脹起兼脆卜卜，加入不同調味醬料，味道、口感皆一流，而且食落仲帶有蜜糖的微甜添！燒蒜蓉茄子香濃的蒜蓉，加上燒得軟淋的茄子，無得輸。燒朱古力香蕉甜品之選，同蒜蓉茄子一樣，都係燒到軟淋淋又好入味的食物，只不過係由茄子變成香蕉肉，由鹹變成甜，仲有朱古力的加持，簡單但好好味。變涼咗之後，香蕉仲食到少少朱古力嘅焦脆添，口感豐富。燒一口甜薯正常發揮，無特別。燒菠蘿解膩消滯，正正常常無乜特別。好鍾意這金句