Video
Read full review
2021-12-30
119 views
無得去歐洲，唯有去長洲啦。雖然係平日星期四，但長洲都人山人海，全船滿座，行慢啲都上唔到船，香港人真係太得閒。同老人家一齊嚟，揀咗喺海鮮街食午飯。睇咗咁多間，新潮發啲易拉架最清晰乾淨企理，就揀咗佢，等位等咗5分鐘。佢午市套餐個安排幾好，全餐牌任揀，按碟數收費，無加一茶錢，仲送炒菜、粟米魚肚羮。基本上碟碟餸都有水準，粟米魚肚羹真係有魚肚，一啲都唔頹。送嘅炒生菜都好爽甜。非常推薦蠔仔煎蛋，蠔仔有蠔味、唔腥，蛋唔止有蛋味，而且中間仲有炒滑蛋嘅口感，正。另一推薦係炸物，避風塘魷魚、椒鹽九肚魚都有水準，炸得香脆，炸粉薄，上枱仲熱辣辣。加$30叫咗豉汁蒸白鱔。白鱔咁貴當然唔會好大碟，但鱔好肥美，食落去好有魚香，加錢都抵。全餐唯一可以改善嘅係豉油皇炒麵，豉油落得太重手，咸咗少少。總括嚟講，今餐好滿意，本身諗住$80一個小菜唔伏都算好，但最後出嚟係有驚喜。同一晚我地係尖沙咀食咗$2500，屋企人話及不上中午呢餐$900。下次嚟長洲會再嚟！
同老人家一齊嚟，揀咗喺海鮮街食午飯。睇咗咁多間，新潮發啲易拉架最清晰乾淨企理，就揀咗佢，等位等咗5分鐘。
佢午市套餐個安排幾好，全餐牌任揀，按碟數收費，無加一茶錢，仲送炒菜、粟米魚肚羮。
基本上碟碟餸都有水準，粟米魚肚羹真係有魚肚，一啲都唔頹。
送嘅炒生菜都好爽甜。
非常推薦蠔仔煎蛋，蠔仔有蠔味、唔腥，蛋唔止有蛋味，而且中間仲有炒滑蛋嘅口感，正。
另一推薦係炸物，避風塘魷魚、椒鹽九肚魚都有水準，炸得香脆，炸粉薄，上枱仲熱辣辣。
加$30叫咗豉汁蒸白鱔。白鱔咁貴當然唔會好大碟，但鱔好肥美，食落去好有魚香，加錢都抵。
全餐唯一可以改善嘅係豉油皇炒麵，豉油落得太重手，咸咗少少。
總括嚟講，今餐好滿意，本身諗住$80一個小菜唔伏都算好，但最後出嚟係有驚喜。同一晚我地係尖沙咀食咗$2500，屋企人話及不上中午呢餐$900。下次嚟長洲會再嚟！
Post
