Video
Read full review
2018-05-18
933 views
以往韓式放題畀人覺得餐廳一定用一些質素不高的肉類供客人燒烤用。 而且那些肉都是不太新鮮。今日竟然畀我見到以往食高質 oppa韓式烤肉店 推出 烤肉放題。 價錢重要唔貴可以一次過試曬不同款式嘅肉類。佢呢度其實有兩個放題選擇分別就是一個有海鮮一個冇海鮮， 兩個放題的價錢都不算貴。 結果我和先生選擇了有海鮮的燒肉放題。一嚟到 就有個好靚嘅頭盤裏面有不同的牛肉 a4黑毛和牛肩肉， a4黑毛和牛三角腩，澳洲和牛下腹腩，澳洲和牛脷，封門柳，鹿兒島牛柳粒，加拿大牛排骨，美國牛小排。新鮮的食材根本不需要醃! 見到賣相都好新鮮 ，封門柳同牛肩肉比較有咀嚼感，肉味濃一些就是加拿大牛排骨及美國牛小排，喜歡嫩滑口感，就可以食鹿兒島牛柳粒及和牛下腹腩。 我們不斷 encore 和牛系列， 因為用鐵板燒嘅緣故，多餘嘅油份會被排出，多脂肪的肉燒完後咬落去口感仍然爽口彈牙。 而且感覺食少啲肥膏，自我感覺良好哈哈。海鮮就有鮑魚同扇貝。 其實除咗頭盤嘅牛肉，佢嘅前菜,其他肉類,野菜及韓式料理都好吸引。 你睇下佢塊生菜幾大塊。自家製嘅泡菜，芽菜，泡菜蛋捲都好好味!食燒肉當然唔少得五花腩。登登登登~肥膏分佈好平均。本身諗住食
以往韓式放題畀人覺得餐廳一定用一些質素不高的肉類供客人燒烤用。 而且那些肉都是不太新鮮。
今日竟然畀我見到以往食高質 oppa韓式烤肉店 推出 烤肉放題。 價錢重要唔貴可以一次過試曬不同款式嘅肉類。
佢呢度其實有兩個放題選擇分別就是一個有海鮮一個冇海鮮， 兩個放題的價錢都不算貴。 結果我和先生選擇了有海鮮的燒肉放題。
一嚟到 就有個好靚嘅頭盤裏面有不同的牛肉 a4黑毛和牛肩肉， a4黑毛和牛三角腩，澳洲和牛下腹腩，澳洲和牛脷，封門柳，鹿兒島牛柳粒，加拿大牛排骨，美國牛小排。
新鮮的食材根本不需要醃! 見到賣相都好新鮮 ，封門柳同牛肩肉比較有咀嚼感，肉味濃一些就是加拿大牛排骨及美國牛小排，喜歡嫩滑口感，就可以食鹿兒島牛柳粒及和牛下腹腩。 我們不斷 encore 和牛系列， 因為用鐵板燒嘅緣故，多餘嘅油份會被排出，多脂肪的肉燒完後咬落去口感仍然爽口彈牙。 而且感覺食少啲肥膏，自我感覺良好哈哈。
海鮮就有鮑魚同扇貝。 其實除咗頭盤嘅牛肉，佢嘅前菜,其他肉類,野菜及韓式料理都好吸引。
你睇下佢塊生菜幾大塊。
自家製嘅泡菜，芽菜，泡菜蛋捲都好好味!
食燒肉當然唔少得五花腩。登登登登~肥膏分佈好平均。本身諗住食少量少，結果我同先生兩個人食曬，OMG! 因為燒完出嚟連埋泡菜 同醬料一齊食，肉質彈牙可口，一啲都冇油膩感。 除咗頭盤嘅海鮮，我哋仲嗌咗小八爪魚， 燒完出嚟有好香嘅炭燒味食落去仲有淡淡嘅海水味，很讚!
蔬菜方面我就點咗洋蔥圈，佢嘅洋蔥圈都好新鮮同埋好大個，唔似街外便畀一啲本地洋蔥你。食韓燒除咗要睇肉新唔新鮮之外其實配菜蔬菜新唔新鮮都好緊要!!!! 蔬菜新鮮都好緊要， 蔬菜新鮮都好緊要， 蔬菜新鮮都好緊要（ 要講三次哈哈）
食到呢度其實我哋兩個已經好飽，但係見到佢有韓式料理真係忍唔住試左。 我哋試咗牛骨雪龍湯同埋真露煮蜆。 佢呢個牛骨雪龍湯超級正,其實個牛肉頭盤加個雪龍湯已經好抵。 呢間餐廳未做放題之前我同先生都有專登嚟食佢嘅牛骨雪濃湯。 好濃嘅牛骨香味，仲好食過韓國當地嘅雪龍湯餐廳。 非常足料， 蘿蔔同牛骨嘅份量都好多呀，配白飯一流。
另外真露煮蜆裏面配咗大腸，反而大腸既味道中突出過蜆肉。
飲品方面，只要追加30蚊就可以有7款嘢飲選擇 ，我最後加咗40蚊勁咗韓式梨汁， 飲咗5罐都抵返曬哈哈， 一路燒烤一路任飲嘢食真係好爽!!!
其實食到咁樣，個肚已經冇位再試其他嘢食。。 唯有下次再嚟encore! 下次食多啲其他款式再跟大家介紹。
Post
