Read full review
2019-10-31
37 views
今日週末同男友去行市集，行完市集之後就喺附近搵嘢食。今日搵到間食pizza同burger嘅餐廳叫pizza piazza 呢間野都幾隱蔽下，但係我見到佢個門面睇落好似幾好食咁！所以就比佢吸引咗入去啦。睇返個餐廳環境，環境好有氣氛因為佢唔太光暗暗地。入到去叫咗個終極漢堡、西班牙黑毛豬扒、焦糖拿鐵咖啡同薄荷茶基於地理位置、荔枝角有好多深藏不露嘅餐廳果然餐廳都有質數！終極漢堡係有的揀幾成熟嘅！侍應推薦7成！話7成係最能食出佢地食材嘅美味！其實我自己唔太中意食最近新興漢堡⋯因為好大舊，係唔可以一啖啖咁食⋯咁埋食到好那西😰而不出所料，個漢堡真係好大個😂一嚟到其實唔知點食好。不過好彩我有男友服侍🥴切到一舊舊比我食。而呢個漢堡牛味好重 愈食愈好食。食食下發現佢入面內有乾坤，收埋啲培根乾，怪不得肉味咁重👍🏽另外呢個set係有埋薯條同醬跟，醬有黑松露、辣椒、芥辣同茄汁。而我大推黑松露同芥辣醬！黑松露醬十分出汁有濃濃嘅黑松露味，而芥辣醬係好酸酸甜甜嘅，因為成個set都幾飽但又唔想浪費！芥辣醬就可以用嚟幫我食埋啲薯條😂而黑毛豬有跟甜薯薯條，我就鍾意食呢個薯條多啲，不過佢呢個就唔跟醬啦😖不過好彩我男朋友個餐就
今日搵到間食pizza同burger嘅餐廳叫pizza piazza
呢間野都幾隱蔽下，但係我見到佢個門面睇落好似幾好食咁！所以就比佢吸引咗入去啦。
睇返個餐廳環境，環境好有氣氛因為佢唔太光暗暗地。入到去叫咗個終極漢堡、西班牙黑毛豬扒、焦糖拿鐵咖啡同薄荷茶
基於地理位置、荔枝角有好多深藏不露嘅餐廳
果然餐廳都有質數！
終極漢堡係有的揀幾成熟嘅！侍應推薦7成！
話7成係最能食出佢地食材嘅美味！
其實我自己唔太中意食最近新興漢堡⋯因為好大舊，係唔可以一啖啖咁食⋯咁埋食到好那西😰
而不出所料，個漢堡真係好大個😂一嚟到其實唔知點食好。不過好彩我有男友服侍🥴切到一舊舊比我食。而呢個漢堡牛味好重 愈食愈好食。食食下發現佢入面內有乾坤，收埋啲培根乾，怪不得肉味咁重👍🏽另外呢個set係有埋薯條同醬跟，醬有黑松露、辣椒、芥辣同茄汁。
而我大推黑松露同芥辣醬！黑松露醬十分出汁有濃濃嘅黑松露味，而芥辣醬係好酸酸甜甜嘅，因為成個set都幾飽但又唔想浪費！芥辣醬就可以用嚟幫我食埋啲薯條😂
而黑毛豬有跟甜薯薯條，我就鍾意食呢個薯條多啲，不過佢呢個就唔跟醬啦😖不過好彩我男朋友個餐就有醬俾我點嚟食，而我覺得我呢個就比較岩點芥辣醬嘅。
另外黑毛豬扒煎到表面好惹味，有點兒脆脆地。而裏面都係好軟熟嘅，加上佢嘅肉味好濃。跟餐嘅有配蘋果醬，個人就唔太鍾意點豬扒黎食，因為會搶咗個肉味🤔
而男朋友點嘅咖啡有埋拉花，飲落比出面嘅咖啡店好飲。焦糖味唔會太濃同過甜，飲落口係舒服嘅👍🏽另外我男朋友飲完之後精神咗成日㗎😂
我點嘅就係薄荷茶，呢度用嘅茶包唔係普通街邊上面買嘅牌子。飲落好舒服👍🏽
Post
