Video
Read full review
2018-07-12
556 views
試問有咩好得過週末睡到自然醒，再與朋友歎過Brunch？ 都說過，呢排可能天氣太熱，好想食壽司。得知Fumi有壽司任砌，自不然成為我心目中的Weekend Brunch勝地了。 話時話，始終呢度係叫蘭桂坊，所以每次來都是夜晚，中午過來，還是首次。 時代唔同左啦！老蘭已不再是晚晚劈到天昏地暗的地方。 呢個All you can eat的壽司套餐，查實仲有天婦羅、串燒等東西吃的。不過，壽司以外的東西，就不是任食咁解。 Well，七月份惠顧，Sake和兩款精選啤酒係Free Flow的。來吧! 中午就飲到肝腸寸斷吧！ 像我等唔飲酒都已肝腸寸斷的朋友，汽水也是任喝的。 一來先放低六款小食，又果仁又芥末魷魚絲之類，全是佐酒佳品，我想攞番屋企夜晚睇波食。 飲啖麵豉湯暖暖胃，等陣可以食多幾件壽司。 套餐跟上的天婦羅盛合，較矜貴的蝦並不是我既目標，爽脆的粟米芯才是我的至愛。 串燒的免治雞肉棒、雞翼與及牛脷，來得稱心，始終我都是喜歡吃香口嘢。 左口魚、鯛魚和深海池魚均爽身可口，但白身魚都唔係贏晒，赤身也能討我歡心。其餘的帆立貝、甜蝦、甚至三文魚等，皆各有所愛。 加州卷係兒時愛吃的東西之一，幾醒胃。其他的
試問有咩好得過週末睡到自然醒，再與朋友歎過Brunch？都說過，呢排可能天氣太熱，好想食壽司。得知Fumi有壽司任砌，自不然成為我心目中的Weekend Brunch勝地了。
話時話，始終呢度係叫蘭桂坊，所以每次來都是夜晚，中午過來，還是首次。
時代唔同左啦！老蘭已不再是晚晚劈到天昏地暗的地方。
呢個All you can eat的壽司套餐，查實仲有天婦羅、串燒等東西吃的。不過，壽司以外的東西，就不是任食咁解。
Well，七月份惠顧，Sake和兩款精選啤酒係Free Flow的。來吧! 中午就飲到肝腸寸斷吧！像我等唔飲酒都已肝腸寸斷的朋友，汽水也是任喝的。
一來先放低六款小食，又果仁又芥末魷魚絲之類，全是佐酒佳品，我想攞番屋企夜晚睇波食。
飲啖麵豉湯暖暖胃，等陣可以食多幾件壽司。
套餐跟上的天婦羅盛合，較矜貴的蝦並不是我既目標，爽脆的粟米芯才是我的至愛。
串燒的免治雞肉棒、雞翼與及牛脷，來得稱心，始終我都是喜歡吃香口嘢。
左口魚、鯛魚和深海池魚均爽身可口，但白身魚都唔係贏晒，赤身也能討我歡心。其餘的帆立貝、甜蝦、甚至三文魚等，皆各有所愛。
加州卷係兒時愛吃的東西之一，幾醒胃。其他的卷身，不管是玉子卷，抑或是香蔥吞拿魚腩卷，也包得靚靚仔仔，不會因任食而馬虎。
吞拿魚壽司好吃，所以Encore。惹味的鰻魚也是值得追加的款式。
仲有櫻花雪糕甜甜地作結，友人話食完再去飲珍珠奶茶，我都無力奉陪了。話雖是壽司任食，都唔使以食左人哋間舖為目標既，量力而為喇。
Post
