野玩田店 (Moved) New Location

星期日陪媽咪出尖沙咀行街，預早book咗間餐廳同佢食晚飯，我睇中呢間餐廳走健康路線，主打追求自然山野風味，著重健康飲食嘅媽媽一定鐘意。 餐廳擺放咗一排自家種迷你菜，以室内及有機方法培植，旨在為食客提供最健康新鮮嘅食材，餐廳裝修走田園風，木制傢私及大量小植物，環境感覺休閒舒適。點菜後先嚟麵包籃，一個芝麻味香濃，一個有好清甜嘅蜜糖味，仲有兩條鬆脆麵包條。✨芝士磨菇釀雞翼 $88去骨雞翼，再釀入芝士磨菇，食落啖啖肉，仲有好香濃嘅芝士磨菇味，好juicy。✨黑松露片炒農場雞蛋酥盒 $98甫一上枱，黑松露香氣迫人，黑松露炒蛋入口滑溜，蛋味濃，酥盒酥脆而不漏。✨香煎日本頂級帶子配青瓜莎莎 $138賣相精美，色彩豐富，帶子厚身，兩邊煎得金黃，內裡肉質保持鮮嫩，有彈性，味道鮮甜。✨雜錦海鮮墨西哥餡餅 $158此款餡餅用上蕃茄薄餅皮，並有三款sauce提供，牛油果醬，蕃茄莎莎同乳酪；顏色配撘好看。 餅皮又薄又香脆，內裡海鮮餡足料豐富。✨牛仔肉配有機大啡菇闊條手造意大利麵 $188牛仔肉腌得入味，肉嫩；手造意大利味煙韌有咬口，蛋味香濃！醬汁不多不少啱啱好，掛上每片闊麵，香濃惹味。