喜記避風塘炒辣蟹 (謝斐道)

Open Now

Now Closed

這個父親節 嘴刁叼嘅爸爸表示滿意～～～爸爸節就嚟到，但係爸爸話佢下個星期日唔得閒要返工好遲收，所以我哋今晚就提早咗帶佢嚟呢度食海鮮慶祝父親節。～～～呢間避風塘炒蟹喺灣仔呢一大屹立咗好耐，相信住灣仔嘅朋友仔應該唔會陌生。紅噹噹嘅裝修望落非常吸睛，好醒神。😙～～～睇過餐牌之後我哋叫咗四人豪華餐，一家四口食啱啱好，非常豐富。（成個餐入邊有蟹，賴尿蝦，鮑魚，蜆，肉，炒菜，主食同前菜）～～～套餐包含咗佢哋嘅招牌，喜記避風塘炒蟹，鍾意食蟹嘅爹哋，話呢度嘅蟹肉好結實，得出係上乘嘅品質，裏面有蒜蓉、鼓椒、辣椒等等，daddy話避風塘炒法好複雜，要先濕炒後乾炒，依家唔係好多地方食到，呢度難得炒得幾高質，嘴刁嘅父親大人表示滿意🤣～～～椒鹽大賴尿蝦非常壯觀，因為真係好大隻，而且好貼心咁切好晒件，方便食用，賴尿蝦蝦肉彈牙，依個殼都酥酥脆脆，好香口～～～大大隻嘅招牌醉鮑魚深得爸爸嘅歡心，活躍於社交平台嘅佢，一見到就即刻影返張相po上網，話俾朋友知個女帶佢食好西😂。鮑魚爽口彈牙，而且咬落去酒味十足，非常入味。～～～主食方面，我地叫咗避風塘炒牛河，炒牛河本身就惹味，加埋避風塘辣汁嘅調味，更係將惹味香口度進一步提升，