沐白小農 (Closed)

今日天氣咁熱 真係要買番杯珍珠奶茶解下熱涼下先得啦🧛‍♂️ 經過沐白見到唔係好多人排隊 fd子又話想飲我地就等排下先 fd子們推介佢嘅黑糖波霸鮮奶 仲有promotion $50/2杯🧚‍♂️ 但我上openrice見到人讚大甲芋頭鮮奶 我就試大甲芋頭鮮奶啦🧚‍♂️大甲芋頭鮮奶既甜度係固定左既 好驚會好甜🧛‍♂️ 但飲落又唔會wo 反而飲到綿密既芋頭蓉 好特別wo🧞‍♂️ 奶同芋頭蓉嘅比例啱啱好 唔會過杰過稀 奶香更可以襯托出芋頭既香味 正🧞‍♂️Fd子既黑糖波霸鮮奶都係固定甜度 不過可惜嘅係今日黑糖珍珠未煮好 要等15mins 所以我哋轉左要普通珍珠 好可惜阿。。🧟‍♂️ 但都係黑糖鮮奶底 鮮奶味都係好濃🧚‍♂️ 沖飲品嘅時候我哋見到係用meji奶 用料靚！🧚‍♂️ 珍珠煮得超有咬口 fd子話無黑糖珍珠咁甜 都ok既🧞‍♂️而翡翠檸檬係用青檸 好夠酸超醒神🧞‍♂️ 岩曬今日咁熱去飲 涼浸浸透心涼！佢好似仲有少少青檸皮既味 澀澀地唔會係甜到假既糖漿🧛‍♂️