Video
Read full review
2023-03-13
95 views
黎到三月份，先有老公嘅生日，再有我嘅生日！所以三日係屬於美食嘅月份！👍🏻特選會席套餐✨松葉蟹肉三文魚籽沙律先有一個沙律作為前菜，爽脆嘅沙律配上新鮮蟹肉，口感清新，加入咗柚子醋亦帶清香，除此之外更有兩個小伴碟：帶子裙邊、淮山，清清爽爽，特別開胃。時令刺身當日嘅刺身非常豐富：拖羅、帆立貝、深海詞語、牡丹蝦，帆立貝新鮮得來又厚肉，入口清甜；深海池魚口感微爽；牡丹蝦帶黏口感，蝦腸亦已預先挑走。蟹肉鍋巴配紅酒鵝肝一絲絲嘅蟹肉加上冰涼嘅啫喱粒，用上拖羅蓉做底，入口層次豐富，咬落爽脆，及後帶有綿綿密密嘅口感。鵝肝嘅紅酒味唔算太重，絕對不會令人抗拒！黑魚籽海膽蟹肉蒸蛋蒸蛋嚟得非常之滑，而且入口淡淡鹹香，全部來自於原材料嘅原汁原味，而且必須說，打開碗蓋嗰下真係俾佢嘅色彩吸引住！日本時令活蟹用上清蒸嘅烹調方法最態突顯海鮮嘅原味，廚師已經細心為每一隻蟹腳拆左殼，肉質鹹鮮飽滿，而且每一隻都粗過小編嘅手指(⁎⁍̴̛ᴗ⁍̴̛⁎)食過原汁原味之後可以沾上水雲醋同埋蟹膏，蟹肉味道瞬間變得更豐腴和濃厚，脂香滿盈於齒頰之間。鹿兒島A5和牛肉質粉嫩有肉汁，咬落軟嫩，油脂澎湃，牛肉味好濃香，適當嘅油脂感亦令人鍾情，可以夾上餐廳自家製
黎到三月份，先有老公嘅生日，再有我嘅生日！所以三日係屬於美食嘅月份！
👍🏻特選會席套餐
✨松葉蟹肉三文魚籽沙律
先有一個沙律作為前菜，爽脆嘅沙律配上新鮮蟹肉，口感清新，加入咗柚子醋亦帶清香，除此之外更有兩個小伴碟：帶子裙邊、淮山，清清爽爽，特別開胃。
時令刺身
當日嘅刺身非常豐富：拖羅、帆立貝、深海詞語、牡丹蝦，帆立貝新鮮得來又厚肉，入口清甜；深海池魚口感微爽；牡丹蝦帶黏口感，蝦腸亦已預先挑走。
蟹肉鍋巴配紅酒鵝肝
一絲絲嘅蟹肉加上冰涼嘅啫喱粒，用上拖羅蓉做底，入口層次豐富，咬落爽脆，及後帶有綿綿密密嘅口感。鵝肝嘅紅酒味唔算太重，絕對不會令人抗拒！
黑魚籽海膽蟹肉蒸蛋
蒸蛋嚟得非常之滑，而且入口淡淡鹹香，全部來自於原材料嘅原汁原味，而且必須說，打開碗蓋嗰下真係俾佢嘅色彩吸引住！
日本時令活蟹
用上清蒸嘅烹調方法最態突顯海鮮嘅原味，廚師已經細心為每一隻蟹腳拆左殼，肉質鹹鮮飽滿，而且每一隻都粗過小編嘅手指(⁎⁍̴̛ᴗ⁍̴̛⁎)食過原汁原味之後可以沾上水雲醋同埋蟹膏，蟹肉味道瞬間變得更豐腴和濃厚，脂香滿盈於齒頰之間。
鹿兒島A5和牛
肉質粉嫩有肉汁，咬落軟嫩，油脂澎湃，牛肉味好濃香，適當嘅油脂感亦令人鍾情，可以夾上餐廳自家製嘅蒜片。
浜燒鱈場蟹腳
鱈場蟹以肉甜多膏著稱，蟹腳經過燒烤之後，其雪白嘅肉質依然不變。食落極之鮮嫩，口感微彈，亦無因燒烤過而令水份流失，品嚐過後確係貴精不貴多！
松葉蟹釜飯
粒粒分明嘅米飯焗得香盛，職員會分別將蔥花、黑松露醬拌進，釜中亦配備咗兩隻嘅松葉蟹腳，食落好香，攪拌一下味道更加均勻。
甜品
牛奶奶凍配綠茶厥餅、芝士蛋糕。奶凍香滑，厥餅冰涼Q彈。芝士蛋糕有驚喜，底層有薄薄一層海綿蛋糕，芝士味濃郁。
Post
