Video
Read full review
2023-05-21
593 views
今次又食火鍋放題，火鍋放題係香港好多選擇，所以唔好食嘅好快會被淘汰。而呢間牛站就越開越多分店，越開越大！今次嚟到寸金尺土嘅鬧市——旺角嘅新分店。上到去真係嘩一聲，大到全層都係佢，座位好闊落，非常舒服。但就係因為太大，座位行去自助區就有啲遠了😂先講下自助區食物同飲品，真係好！多！選！擇！係我近年食過價錢最抵而有咁多款野食嘅放題。前菜已經有蘿蔔，麻辣豬脷，仲有任食小龍蝦！竟然仲有滷肉飯！好食好食！我添咗2碗😂個味真係唔比台式餐廳遜色，好香好肥😍最欣賞有個熱櫃裝魚皮、炸響鈴、午餐肉同埋芋頭，令佢哋保持到脆身菜同丸都好多種類，個櫃好大好寬敞，唔會好逼咁夾野食。野飲種類又係多到嚇親我，除咗有基本有糖汽水、無糖茶、啤酒外，仲自家製嘅洛神花、白桃烏龍，最重要仲有梅酒、清酒同白酒，真係揀野飲都花多眼亂🤣🤣湯底方面我地揀咗蕃茄豬骨同花膠雞，蕃茄好濃味，偏甜，花膠雞清甜而不膩，好正~ 而我地$288中價位嘅餐已經就好多野食！牛肉選擇已經有好幾款，質素仲要好好。放題嘅牛當然唔預佢入口即溶，好重牛味，肥瘦適中，冇雪味入口唔鞋，個人最鍾意肩胛肉同牛舌😍😍 同行朋友比較鍾意食豬，平時放題啲豬好鞋，呢個又唔會喎，好
今次嚟到寸金尺土嘅鬧市——旺角嘅新分店。上到去真係嘩一聲，大到全層都係佢，座位好闊落，非常舒服。但就係因為太大，座位行去自助區就有啲遠了😂
先講下自助區食物同飲品，真係好！多！選！擇！係我近年食過價錢最抵而有咁多款野食嘅放題。
前菜已經有蘿蔔，麻辣豬脷，仲有任食小龍蝦！竟然仲有滷肉飯！好食好食！我添咗2碗😂個味真係唔比台式餐廳遜色，好香好肥😍
最欣賞有個熱櫃裝魚皮、炸響鈴、午餐肉同埋芋頭，令佢哋保持到脆身
菜同丸都好多種類，個櫃好大好寬敞，唔會好逼咁夾野食。野飲種類又係多到嚇親我，除咗有基本有糖汽水、無糖茶、啤酒外，仲自家製嘅洛神花、白桃烏龍，最重要仲有梅酒、清酒同白酒，真係揀野飲都花多眼亂🤣🤣
10 views
0 likes
0 comments
湯底方面我地揀咗蕃茄豬骨同花膠雞，蕃茄好濃味，偏甜，花膠雞清甜而不膩，好正~ 而我地$288中價位嘅餐已經就好多野食！牛肉選擇已經有好幾款，質素仲要好好。放題嘅牛當然唔預佢入口即溶，好重牛味，肥瘦適中，冇雪味入口唔鞋，個人最鍾意肩胛肉同牛舌😍😍 同行朋友比較鍾意食豬，平時放題啲豬好鞋，呢個又唔會喎，好彈牙👅
6 views
0 likes
0 comments
4 views
0 likes
0 comments
仲有海鮮都多款，帆立貝、蝦、蝦膠、蜆、象拔蚌同魚肚😍😍 好正，真係幾個胃都食唔哂😂😂
5 views
0 likes
0 comments
2個鐘好快過，又要準備食甜品，甜品都多到嚇親我🤣 首先係爆醬糍粑，黑糖味湧出嚟😍 仲有勁多款雪糕、雪條，同埋我哋臨走先見到嘅可以自己㘉㘉雪糕機😝 甜品櫃仲有布甸、泡芙、tiramisu、芋圓😂😂😂😂係咪聽到都吸引呢，記得要留肚食甜品！
必食爆醬糍粑
5 views
0 likes
0 comments
近期食過最高質嘅打邊爐，可惜2個鐘真係唔夠🤭 太多野食了！
12 views
0 likes
0 comments
Post
