Video
Read full review
2022-07-04
18 views
繼前幾日係重慶大廈搵食後，有啲意猶未盡。經過一輪上網做功課，今次就揀咗位於閣樓既呢間珍珠皇宮。一坐低就送上一份歡迎小食,係脆卜卜嘅胡椒脆片,食落好似薯片甘，有淡淡的鹹香味，點埋個薄荷醬非常開胃。 由於今次同行有4個朋友，加埋自己5個人，所以可以叫多幾樣野食。飲品：-芒果印度乳酪Mango Lassi 質感幼滑，味道酸甜為主，十分開胃，可以中和咖喱既辣味。前菜：-乳酪脆米球(Dahi Poori)一個幾傳統既印度小食,外層酥脆，入面有啲薯仔、洋蔥、番茄、芫荽，口感十分豐富，加埋酸酸甜甜 嘅乳酪醬,一啖食晒超級滿足。-瑪莎拉脆卷餅(Masala Dosa) 味道正常，略嫌印度香料味唔夠重,唔係太夠脆。主菜：-印度香料烤雞(Tandoori Chicken) 烤雞用鐵板上,墊底既洋蔥絲吸左的汁，連埋的雞一齊食口感超豐富，雞肉juicy香口 -香料免冶羊肉卷(Seekh Kebah) 好香印式香料味，入口肥瘦相間,有肉汁唔會太乾,再點的乳酪一齊食,又係將件事昇華左，乳酪嘅creamy奶香加上香料羊肉既惹味, 可謂相得益彰。-蝦球黃咖喱(Malai Jheenga Curry) 椰汁味濃郁,似大
一坐低就送上一份歡迎小食,係脆卜卜嘅胡椒脆片,食落好似薯片甘，有淡淡的鹹香味，點埋個薄荷醬非常開胃。 由於今次同行有4個朋友，加埋自己5個人，所以可以叫多幾樣野食。
飲品：
-芒果印度乳酪Mango Lassi
質感幼滑，味道酸甜為主，十分開胃，可以中和咖喱既辣味。
前菜：
-乳酪脆米球(Dahi Poori)
一個幾傳統既印度小食,外層酥脆，入面有啲薯仔、洋蔥、番茄、芫荽，口感十分豐富，加埋酸酸甜甜 嘅乳酪醬,一啖食晒超級滿足。
-瑪莎拉脆卷餅(Masala Dosa)
味道正常，略嫌印度香料味唔夠重,唔係太夠脆。
主菜：
-印度香料烤雞(Tandoori Chicken)
烤雞用鐵板上,墊底既洋蔥絲吸左的汁，連埋的雞一齊食口感超豐富，雞肉juicy香口
-香料免冶羊肉卷(Seekh Kebah)
好香印式香料味，入口肥瘦相間,有肉汁唔會太乾,再點的乳酪一齊食,又係將件事昇華左，乳酪嘅creamy奶香加上香料羊肉既惹味, 可謂相得益彰。
-蝦球黃咖喱(Malai Jheenga Curry)
椰汁味濃郁,似大家樂個款,蝦太細隻同menu寫既蝦球好大出入，明顯係急凍嗰啲蝦仁仔，連埋的印度黃飯同naan掂埋一齊食不過不失，不過呢個下次黎唔會再叫。
-牛油烤雞(Butter Chicken)
印度菜入面既signature,用三個字形容，就係香、濃、滑，雞肉吸收晒香料嘅味道,撈飯或者掂naan都無得輸。
-芝士菠菜(Palak Paneer)
食印度嘢一定 要點,有菠菜既獨特香味味再加上cottage cheese, 芝士喺口入越咀嚼越香，同樣撈飯或者掂naan都係無得輸。
主食：
-蒜蓉烤餅(Garlic Naan)
蒜香味十足，可以再乾身同脆的。
-芝士烤餅 (Cheese Naan)
鬆軟,芝士味唔夠濃郁。
-原味烤餅(Naan)
正常發揮
-印度黃飯 (Saffron Pullao)
撈汁一流,必叫。
甜品：
-蕃紅花印度雪糕
個人覺得唔好食，食落口成口粉既感覺。
總結：5個人食，除返開196一個人，用OpenRice 訂枱有75折，飲品無折。味道係重廈大廈黎講，叫做top個幾間。環境都唔錯，坐得舒服，已經約左朋友下星期再去🤤
4 views
0 likes
0 comments
Post
