去到諗都唔諗就叫咗個壽司嘅精選先！其實都唔使我多講你睇到頭都知道幾咁新鮮啦！特別係隻蝦同埋海膽，喺香港食海膽其實真係好危險因為好多時候都係苦嘅，呢度做得好好係真係會食到日本嗰種鮮甜！再加上師傅真係好細心，食之前話定俾我聽邊一款壽司需要點豉油邊一款唔需要❤️
另外仲叫咗個刺身精選，個赤貝真係究極無敵鮮甜，好似講得好誇張咁但係香港真係好難比呢個價錢食到呢個質素！另外兩味分別係赤蝦同埋中吞拿魚，味道都好新鮮
最後係一味海膽手卷，呢度嘅包法好特別，佢係圓卷形嘅包法，優點係每一啖都可以食到有海膽，唔會好似平時咁樣食一啖下面就冇晒！好新鮮好鮮甜！
可能有好多人唔係好習慣要請喺度食飯啦，但係買單嘅時候你就會發現呢個價錢其實真係好抵，嗰一刻係完全唔記得咗原來我係企喺度食緊野！已經諗定下次要幾時嚟囉！
