烤魚叔叔 (Closed)

估唔到呢間烤魚可以做得咁有大陸風味，好似返佐大陸食咁，呢度既烤魚都係用大烤爐熱住咁上，唔會食到凍晒！我地食既係毛血旺烤魚，用江團魚，貪佢差唔多完全無骨，唔怕唔識食骨，江團魚魚肉真係好多，魚肉又嫩，一啲都唔會鞋，仲愈食愈辣，啲辣汁吸收晒！湯底都真係有好多毛血旺，紅卜卜既湯底一睇就知夠晒香辣，毛血旺都吸收晒啲辣味，又滑又辣，兩個人辣住咁食，好爽呀！🔥另外我地都叫佐啲串燒黎食，有韭菜，冬菇，雞肉，韭菜係鮮甜無渣既，冬菇都幾大粒又唔會燒到乾晒，雞肉就肉質軟腍，嫩滑無比，全部都係少辣，少少辣反而味道更香，更加好食！💥