Alice Wild Luscious (Closed)

之前睇過D雜誌介紹呢到新出既夢遊仙境雪糕係尖沙咀分店分有售，平時極少去港島區就無緣一試，今日咁難得同朋友係尖沙咀行街，超鐘意食雪糕既我就緊係要一嘗新野啦 雪糕口味選擇唔多，第一眼望落就比石板街吸引住，朱古力色睇落好濃。呢到既雪糕配料都好特別，每款雪糕配既都唔同，石板街就配士多啤梨醋及辣椒粉以前食開既雪糕都係配士多啤梨醬，醋就真係未試過，辣椒粉就唔洗講啦，一定冇試過。雪糕一出場就要快D影相，乾冰效果好快就冇左。意大利雪糕口感超幼滑軟身，仲有D黏口，朱古力味果然非常濃郁，苦中帶甜，加埋棉花糖及果仁，非常香口。一時會食到辣椒既微辣，一時又會食到士多啤梨醋酸，一杯雪糕食盡甜酸苦辣，真係夠哂特別