Alice Wild Luscious (Closed)

之前睇過D雜誌介紹呢到新出既夢遊仙境雪糕係尖沙咀分店分有售，平時極少去港島區就無緣一試，今日咁難得同朋友係尖沙咀行街，超鐘意食雪糕既我就緊係要一嘗新野啦 雪糕口味選擇唔多，第一眼望落就比石板街吸引住，朱古力色睇落好濃。呢到既雪糕配料都好特別，每款雪糕配既都唔同，石板街就配士多啤梨醋及辣椒粉以前食開既雪糕都係配士多啤梨醬，醋就真係未試過，辣椒粉就唔洗講啦，一定冇試過。雪糕一出場就要快D影相，乾冰效果好快就冇左。意大利雪糕口感超幼滑軟身，仲有D黏口，朱古力味果然非常濃郁，苦中帶甜，加埋棉花糖及果仁，非常香口。一時會食到辣椒既微辣，一時又會食到士多啤梨醋酸，一杯雪糕食盡甜酸苦辣，真係夠哂特別

今晚放工約左朋友係尖咀食野，朋友未到就諗住行下K11商場，點知比我發現呢間由古基巨開比佢太太既餅店，之前睇完雜誌介紹佢地新出既"夢遊仙境雪糕系列"之後，都覺得好吸引，既然意外發現就一於試下"夢遊仙境"系列係每款雪糕再配2種指定既配料，加埋乾冰製造仙境既效果。6款口味入面"石板街味"最為吸引，望落近乎黑色既朱古力，味道非常濃郁，唔會好甜，除左棉花糖仲有nut，食落唔會單調，意大利雪糕口感非常幼滑當聽到指定配料係"辣椒粉"及"士多啤梨醋"都好楞然，辣椒粉點同雪糕夾呢？但原來真係超夾嫁，食時有少少辣椒味，但好快又被甜味掩蓋，反然仲突顯左雪糕既味道，加埋士多啤梨醋，真係未試過食杯雪糕有齊甜酸辣味，超級特別 店員係收完錢之後都溫馨提示如果想影相就準備定相機啦，原來仙境效果眨眼就冇左

< 愛麗絲夢遊仙境意式雲呢拿雪糕 $58 >不解釋，同名一樣，有煙霧瀰漫既視覺效果，猶如愛麗絲夢遊仙境一樣，睇得又食得，係我食過既雲呢拿雪糕黎講真係數一數二，真係勁香勁濃雲呢拿豆味，又香又滑，一個字，好正！

我十分愛吃曲奇,任何品牌都會買來試下,最近有不少明星進軍飲食界，曲奇是其中一個有不少明星揀來做 ,我有買過明星出品,當中有伏有唔伏,暫時只有MAY姐同陳敏技個品牌未吃過，謝生個個不提也吧,十級難吃,今次分享是謝生好兄弟古sir成立,古sir這個好吃好多，已經是第二次光顧了，今次買了綠茶曲奇 ，我發現它的包裝改了獨立包裝，十分方便呀,亦不用打開要立即吃完，可以慢慢品嘗，綠茶曲奇十分好味,綠茶曲奇有淡淡綠茶甘香，曲奇旳口感好脆,一樽有10包,價錢75元,75元這個價錢不算太貴味道綠茶曲奇，有淡淡綠茶回甘味道，曲奇旳口感亦都好脆服務店員給予客人試下曲奇味道，好似友人試完冇買,亦冇黒臉出現價錢75元/10包,亦不是好貴,而家曲奇價錢大同小異