麻辣風雲 (荃碧大廈) (Closed)

我同呀妹都勁中意食辣，今日就黎試下，果然辣得好正呀！我地先黎一個麻辣小龍蝦，小龍蝦煮完都仲食到鮮味，龍蝦肉好爽彈，麻辣味好濃，每隻都好入味，辣油充滿麻辣香，拆完殼再點一點啲辣油黎食簡直係辣上地殼呀！🌶️🌶️🌶️🌶️🌶️另外叫佐一個毛血旺，有鴨血，鮑魚，鮮蝦，蠔，肥牛，每樣都係入味既材料，鴨血好新鮮好嫩滑，蠔又夠肥美，牛肉都好腍，滿滿既大蒜辣椒呢啲香料，又辣又香，勁入味！🌶️🌶️🌶️🌶️🌶️食佐咁多辣野就緊係要叫番果酸梅湯解下辣，酸酸甜甜幾好飲，解渴又解辣，正呀！