輝哥私房菜

Open Now

Now Closed

老公一向鍾意食中菜和小炒，同事話佢知佐敦輝哥私房菜晚市有放題，有新鮮海鮮，超過50款菜式任食，係訂座平台訂重有特別優惠。今日佢就叫埋我一齊去試吓！多款飲品任飲。入座後，侍應立即送上海鮮拼盤，有凍蝦、翡翠螺、青口，都好新鮮，另外還有蒲燒鰻魚一條。呢啲係一次性。餐紙上的食品任叫任食。薑蔥炒蟹夠惹味。白灼蝦鮮甜，豉油王煎蝦香口。滑蛋牛乳蝦仁：蛋炒得夠嫩滑，蝦仁爽口。啫啫白鱔煲：醬汁調得夠濃味，白鱔肉質彈牙！呢個蠔應該同餐牌有出入，食落似薯蓉焗生蠔，薯蓉口感creamy,生蠔冇腥味！金銀蒜粉絲蒸元貝味道清淡，加點醬油比較好味。剁椒蒸魚雲：魚雲滑溜，辣辣地好惹味。菠蘿咕嚕肉酸酸甜甜好開胃。八味豆腐口感好滑。甜品杞子圓肉桂花糕、啫喱、紅豆沙。唔錯的飯後甜品。