86
7
8
3-min walk from Exit B2, Jordan MTR Station continue reading
Telephone
26067278
Opening Hours
Today
11:30 - 14:30
17:30 - 22:30
Mon - Sun
11:30 - 14:30
17:30 - 22:30
Payment Methods
Visa Master Cash UnionPay
Other Info
Online Reservation
Reward Dining Points
10% Service Charge
About Reward Scheme
Review (111)
Level4 2021-03-17
1455 views
從來冇試過食點心放題,今日嚟到旺角有機會梗係要試一試啦!因為記得之前聽人講呢間幾平,今日就黎試吓佢嘅質素!入嚟嘅時候見到佢有小食區,覺得好興奮!因為而家就算真係飲茶都冇乜機會出去拎嘢食㗎嘛!所以點完嘢食即刻出去望吓,拎咗碗豬紅同埋豆腐花,兩個都好好味呀!可惜因為遲咗跌跌嚟,豬紅得兩碗咋!同阿哥一人一碗之後就冇得再食lu~ 然後豆腐花勁好味囉!我總共食咗三碗,都唔係覺得厭,如果有時間我可能食多一兩碗添啊!佢唔算話係超級滑嗰種,但係勁重豆味😍😍而且都唔係好鞋㗎 !必食推介!仲有碗仔翅同埋魚雲湯,碗仔翅就比較普通啲,但係魚雲湯食得出好重藥材同埋火候!估唔到啲點心好快就可以上枱,食咗咁多,我推介嘅有:鯪魚球:好大呀而且調味好充足!又唔會好油😆😆豬潤燒賣:因為燒賣同埋豬潤一齊蒸,令到下面粒燒賣都有種特別嘅香氣!流心奶黃包:個包個皮好軟熟又唔會好厚,然後嗰啲奶黃真係超級流心,係會爆漿出嚟㗎☺️😋😋蝦餃就唔使講啦!雖然唔係話好大粒,但係佢個皮都初得唔錯,餡亦都好充足!仲有,每個人頭佢都會送半隻炸乳鴿,即炸即拎出來,而且火候啱啱好,乳鴿肉10分嫩滑😚加分加分!環境幾舒適,雖然唔算好華麗好大間,但係枱與枱之間有寬闊嘅距離,食得幾舒服~服務大部份時間都唔錯,只係有啲阿姐某時候會激動啲🤣飲茶遇到呢啲現象應該都好正常啦~有興趣嘅人絕對值得一試!畢竟人哋咁平,食返幾味都抵晒啦! continue reading
(The above review is the personal opinion of a user which does not represent OpenRice's point of view.)
Level4 2021-03-17
776 views
今日同朋友係佐敦食點心放題,雖然地方唔算好大,但都好多客人黎食,預約或網上訂定就最好,味道好,服務有效率,價錢合理。有分2段時間,分別11:30或13:30開始,我地閒日來的,90分鐘任飲任食,價錢$78位,茶芥及加一$21,所以$100有找,幾抵食。填好點心紙俾店員,好快上菜,另外,可自助取有部份小食及飲品。每人半隻燒乳鴿,熱辣辣好酥香,個皮燒得好香口,肉質都幾嫩,咬開好多肉汁,配啤酒一流。水晶蝦餃皇,皮薄餡靚,蝦肉大粒又爽口彈牙,個皮薄得黎無穿,賣相吸引。鮮蝦春卷,炸得好脆卜卜,又唔油膩,鮮蝦好爽彈,如果有埋沙律醬或甜酸醬仲正。山竹牛肉球,大大粒好有肉感,牛肉味都突出,肉球鬆化有肉感,一定要落少少喼汁。棉花雞,份量剛剛好,用雞脾肉特別嫩彈,魚肚吸哂湯汁好味,冬菇都厚肉滑溜。豬潤燒賣,比較少見,豬潤份量多,但偏硬,不過燒賣大大隻,肥豬肉同蝦肉爽口唔膩。招牌避風塘九肚魚,好香口惹味,微微咸香,唔會好辣,仲有蝦片裝飾。燒汁牛柳粒,味道濃煙有鑊氣,牛味重有咬口,連清甜多汁的脆肉瓜都炒得入味。四川口水雞,微辣帶點麻,食得好過癮,雞胸肉都唔會好硬,反而幾香幾重味。涼拌小木耳,酸酸辣辣好開胃消膩,小木耳的口感較柔軟微爽,很好味。流心奶皇包,流心效果好好,奶皇有咸蛋香,軟滑甘香,個包都好鬆軟。蠔皇鮮竹卷,唔會好大件,內餡好多爽脆的蔬菜,甘筍絲同粉絲都好吸味。香茜牛肉腸粉,腸粉都做得夠薄又滑,牛肉更加嫩滑,仲好足料。杞子圓肉桂花糕,清涼冰凍,口感爽且微彈,有好香桂花味,也不會太甜。自助小食取了咖哩魚蛋,不過都幾大碗,魚蛋好好味,港式咖哩也好正,咸度同辣度都合適,反而蘿蔔太硬,要煮耐D。豬紅凍左少少,唔太入味,不過都幾爽滑。飲品有啤酒、汽水、茶類……選擇唔算好多,但就總有款岩你,西柚汽水好爽好清新,柑橘茶同烏龍茶消膩。 continue reading
(The above review is the personal opinion of a user which does not represent OpenRice's point of view.)
在openrice發現輝哥有$68點心放題,趁著前排放假,帶好耐無飲茶的屋企人去吃下 ,真是物超所值!選了1:30入座,雖然多人,但店員好快安排入座了,而且位子之間都隔得頗有距離。點心選擇頗多的,還可以到外面拿大排擋小食(間中走出去看看,會發現有新的小食)特別喜歡大排擋這個新鮮煎起的煎蝦韮菜餅,煎得香脆之餘夾了好多菜,還有一層鮮蝦,口感味道都🈵️分!另外當然要點些飲茶必備- 蝦餃燒賣!沒想到點心放題都能保持水準。水晶蝦餃皇皮薄蝦肉爽,味道幾好,蟹子燒賣皇有鮮蝦夾了適量的肉,同樣有質素。平時去飲茶都好想點九肚魚,難得是放題,當然要吃到夠!招牌避風塘九肚魚炸得非常香脆,肉質亦軟香,配上蝦片好match!另外都幾鍾意個四川口水雞,好好彩地有雞脾部分食😋雞肉好嫩,惹味得來唔會好辣,所以encore了😝另外鯪魚球和川弓魚雲湯都幾好味,川弓魚雲湯的川弓味好重。最後仲有乳鴿送,皮脆肉多,食埋真係大🈵️足!$68 位的點心放題水準高之餘好易回本,一定會再來😋 continue reading
(The above review is the personal opinion of a user which does not represent OpenRice's point of view.)
Level4 2021-03-06
1081 views
13:30-15:00場次,13:15到達門口,已經要排隊等候,我哋點咗15款食品,精選咗5款值得先食嘅~ 水晶蝦餃王 🥢豬潤燒賣招牌避風塘九肚魚涼拌小木耳燒汁牛柳粒 🥢酥炸墨魚花薑蔥牛肉角蟹子燒賣皇🥢乾蒸牛肉 🥢安蝦鹹水角九黃鮮蝦腸粉涼拌拍青瓜八味脆豆腐兩面黃肉絲炒麵 🥢杞子圓肉桂花糕水晶蝦餃王丶蟹子燒賣皇丶乾蒸牛肉呢幾款傳統點心,的確係算唔錯嘅燒汁牛柳粒製作需時,建議第一round即點,一碟約5-6粒,鍾意食牛嘅就點多2碟兩面黃肉絲炒麵味道正常,麵底好脆,比預期中好每位送半隻乳鴿即炸嘅,大約喺離席前20分鐘會送上枱,肉質算嫩任飲雪櫃內飲品,係自取大排檔小食數量有限,想食嘅,建議先取;當日藥膳雞腳丶川芎魚雲湯丶咖喱蘿蔔魚蛋丶涼拌茄子丶豆腐花都無見過,問咗店員,話如果出面無嘅就即係無 🙂店內其中一位中年叔叔好好人,會幫客人跟漏單點心,即入廚房處理,。臨離場前,都算係食到所有落咗單嘅點心,都係因為呢位服務態度好好嘅叔叔。 continue reading
(The above review is the personal opinion of a user which does not represent OpenRice's point of view.)
Level4 2021-03-01
1129 views
我同男朋友不嬲都幾鍾意食點心,知道輝哥有超抵食既點心放題之後,我地終於book左今日平日去食👏去到見到既餐牌比起我上網見到既更多選擇😁約左一點半店員都幾準時安排入座👍乳鴿係按人頭每位送半隻,大約食左半粒鐘店員就主動奉上,炸得好香唔會太燶,熱辣辣脆卜卜都幾多肉😋豬潤燒賣咁懷舊既菜式當然要試👍 豬潤粉嫰唔會過熟,下面既蝦肉超大粒兼彈牙,非常推薦一試👏👏川芎魚雲湯係大排檔自助既,好足料,飲得出勁濃郁既川芎藥材味,唔會太油膩,男友飲完一碗又一碗😅棉花雞雞肉嫰滑juicy,魚肚同冬菇索晒啲湯汁好入味好好食🤤星洲炒米細細碟岩晒放題時眼闊肚窄既胃🤣 雖然唔係好香咖哩味,但炒得幾有鑊氣同埋分明唔會痴埋一堆,蝦肉同洋蔥爽口,仲有雞蛋叉燒好多配料唔馬虎👏蒜蓉炒菜心顏色嫰綠,菜心莖炒得岩岩好十分爽脆得黎無草青味👍杞子桂花糕爽口彈牙,味道清新唔會太甜,唔錯😀煎蝦韭菜餅非常脆口但略嫌油左啲同埋唔多覺有蝦肉😅除左野食仲有飲品櫃裏面嘅飲品任飲,加埋茶芥一舊水都唔駛仲想點🤣🤣 continue reading
(The above review is the personal opinion of a user which does not represent OpenRice's point of view.)