Video
Read full review
2017-08-06
157 views
行開旺角買波鞋，見到openrice有間西餐廳，情調唔錯咁，又近近哋就去試吓啦。因為我哋早去，餐廳未有太多人，情調確係好好，坐位又舒服，睇吓餐牌都有二人餐，因為想飲酒，就點咗個“尊貴二人晚餐”，呢個餐包兩杯紅/白酒，正合我意，而頭盤有6款選擇，仲可以任選3款，第1款，我哋就要咗“香煎帶子配檸檬油醋汁”，個汁配上煎到剛好火候嘅帶子，入口唔膩，好想食多兩舊。而第2款係“青蘋果鵝肝多士”，鵝肝煎到熱辣辣，加上脆邊，再配上青蘋果，去除咗鵝肝嘅油膩，加上焗製得宜的多士，回味無窮。第3款係“巴馬火腿蜜瓜”，個巴馬火腿一睇個色澤就知“新鮮”，唔係放咗好耐，仲有油光係火腿，薄薄的火腿放在蜜瓜上，雙重口感，三款頭盤都好出色。是日餐湯係忌廉磨菇湯，好濃足料。主菜有成11款可選擇，今次要咗“香煎龍脷柳配意大利香草汁”＆“燒醬烤原味豬肋骨”，每個都有跟薯蓉，什菜。龍脷柳配上香草汁，帶出龍脷嘅質感。而烤豬肋骨烤得剛到火候，配上薯蓉什菜不膩，好味。而跟餐之餐酒有紅或白酒可選擇，我選了紅酒，無諗過跟餐都有呢個質素，好有驚喜。甜品有意式奶凍配雪糕， 雪糕用上Dreyer's,芒果味，配上藍莓醬汁奶凍，唔會太甜，很好吃
因為我哋早去，餐廳未有太多人，情調確係好好，坐位又舒服，睇吓餐牌都有二人餐，因為想飲酒，就點咗個“尊貴二人晚餐”，呢個餐包兩杯紅/白酒，正合我意，而頭盤有6款選擇，仲可以任選3款，第1款，我哋就要咗“香煎帶子配檸檬油醋汁”，個汁配上煎到剛好火候嘅帶子，入口唔膩，好想食多兩舊。
而第2款係“青蘋果鵝肝多士”，鵝肝煎到熱辣辣，加上脆邊，再配上青蘋果，去除咗鵝肝嘅油膩，加上焗製得宜的多士，回味無窮。第3款係“巴馬火腿蜜瓜”，個巴馬火腿一睇個色澤就知“新鮮”，唔係放咗好耐，仲有油光係火腿，薄薄的火腿放在蜜瓜上，雙重口感，三款頭盤都好出色。
是日餐湯係忌廉磨菇湯，好濃足料。
主菜有成11款可選擇，今次要咗“香煎龍脷柳配意大利香草汁”＆“燒醬烤原味豬肋骨”，每個都有跟薯蓉，什菜。
龍脷柳配上香草汁，帶出龍脷嘅質感。而烤豬肋骨烤得剛到火候，配上薯蓉什菜不膩，好味。
而跟餐之餐酒有紅或白酒可選擇，我選了紅酒，無諗過跟餐都有呢個質素，好有驚喜。
甜品有意式奶凍配雪糕， 雪糕用上Dreyer's,芒果味，配上藍莓醬汁奶凍，唔會太甜，很好吃。
另選一杯特飲，Amour Corner,個賣相已殺食，味道唔會死甜，有鮮菠蘿汁加鮮紅莓汁味道，加上梳打有氣嘅感覺，消暑一流。
Post
