Amour Corner

Open Now

Now Closed

同小妹去旺角睇戲， 睇戲之前就從openrice搵到呢到有間不錯嘅西餐廳—「Amour Corner」， 見到佢二人套餐都幾抵，所以就試下！😏 我地仲額外點左個生蠔食， $128就有6隻3款不同國家嘅生蠔， 都抵喎！😎 是日生蠔有加拿大🇨🇦、美國🇺🇸、法國🇫🇷， 加拿大生蠔肉質清爽，比較淡嘅海水味， 美國嘅海水味相對比較重， 而法國的就較為Creamy， 雖然有提供調味料， 但生蠔都算新鮮嘅關係， 所以唔洗落任何調味，都可以品嘗到佢嘅鮮味，無多餘嘅怪腥味。😏 至於套餐，我地揀左比較實惠但性價比高嘅「經典二人晚餐」。 頭盤：巴馬火腿蜜瓜、青蘋果🍏鵝肝多士 湯、沙律：傳統凱撒沙律、是日餐湯 主菜：烤澳洲牛柳扒、黑松露菌意大利飯 兩位$328， 仲包甜品和餐飲，真係超值！👍🏾 巴馬火腿蜜瓜 蜜瓜都算鮮甜，巴馬火腿鹹香，不錯吃！ 青蘋果🍏鵝肝多士 多士烤得香脆可口，鵝肝肥美， 青蘋果嘅清爽剛好可以一解鵝肝嘅肥膩感。😉 傳統凱撒沙律，清甜爽脆， 麵包粒又夠脆！👍🏾 雜菜湯不過不失吧。 烤澳洲牛柳扒 叫左medium rare， 熟成度拿捏得剛好，還有肉汁滲透出來，不錯啊！😋

呢晚放左工,打算去旺角食埋晚餐再行下街先返屋企~喺朗豪坊出來, 行下行下, 發現原來砵蘭街除左好多夜總會外,仲有幾多野食嫁啵然後我地見到Amour Corner~佢d 2人餐好豐富好多野食,而且價$唔貴~一於就試下佢!餐廳嘅裝修唔算係好靚,但都幾有情調~每張枱面都有個小蠟燭~咁就可以食CANDLE LIGHT DINNER啦~而且我地發現來呢度食野嘅,大多都係情侣,唔會嘈雜呀!2人餐有2個, 一個$328, 一個$468,但我地畀澳洲黑安格斯牛扒吸引住~所以叫左$468~我地叫左: Amour特飲x2,青蘋果鵝肝多士+迷你德國腸拼盤+香煎帶子配檸檬油醋汁,蜜糖芥末沙律, 澳洲黑安格斯肉眼牛扒,澳洲黑安格斯西冷牛扒~Amour特飲係紅覆子味嘅飲品來~賣相好靚,飲落都唔錯~ 甜甜的像汽水~頭盤頭盤可以叫3樣野~我地叫左:青蘋果鵝肝多士+迷你德國腸拼盤+香煎帶子配檸檬油醋汁而且食物都係2人份量的!唔怕每款得一人份量唔夠分(重點係鵝肝, 因為我地都係鵝肝怪,最初有諗過揀2份鵝肝啦)青蘋果鵝肝多士鵝肝大大塊! 煎到好香~迷你德國腸拼盤雖說迷你, 但份量都唔少~而且D腸都好好食!香煎帶子配檸檬油醋

一向心知bff 喜歡吃海鮮，所以就趁她生日的大日子，帶她來到旺角的Amour Corner吃晚飯慶祝，這家餐廳早在一年前已經幫襯過，覺得它的食材新鮮，味道亦不錯，不過最重要還是有生蠔吃。與其說餐廳位於旺角，其實油麻地會較適合，由油麻地A出口步行，不到5分鐘就可到達。查看餐牌後，發現經典二人晚餐最抵食，兩位也只不過是HK$328，已經包括了小食、湯&沙律、主菜2份、甜品及飲品。 先來生蠔，任選6隻HK$128，價錢非常平易近日，Namibia Oyster的 蠔肉奶白偏淡黃，口感creamy，而Galiano Bay 生蠔海水味偏淡，肉質肥美鮮甜，帶有淡淡青瓜餘韻，Ireland Newry Bay生蠔的味道則較特別，先鹹後甜，肉質順滑，海水味濃。 頭盤3選2，我們點了青蘋果鵝肝多士及巴馬火腿蜜瓜。青蘋果鵝肝多士的味道超讚，鵝肝肥美，外脆內軟，入口即滆，配上青蘋果就能中和膩滯感覺，而巴馬火腿蜜瓜的味道同樣叫好，巴馬火腿鹹香味度十足，與清甜爽脆的蜜瓜非常配合，一鹹一甜非常滋味。 南瓜湯及凱撒沙律南瓜湯味道清甜，湯底濃稠適中，入口帶有濃郁的南瓜香味，而凱撒沙律上灑上了大量芝士條，配上口感香的

Amour Corner,座落於油麻地，地點方便，由地鐵站行5分鐘左右便到。店舖裝潢以木為主，加上每台有暗淡既燭光，非常有情調，最適合情侶共進晚餐。今次我們點了"經典二人晚餐"，再另外點了生蠔半打，正。生蠔只需HK$128就有半打，沒有不叫的理由。今次生蠔來自美國、加拿大及法國。生蠔非常新鮮甜美，質素高，必食。此"經典二人晚餐"HK$328已經有頭盤、湯&沙律、主菜及甜品。頭盤方面，點了青蘋果鵝肝多士及巴馬火腿蜜瓜。鵝肝香口，配合青蘋果同食可減肥膩感。巴馬火腿甘香，令人回味。湯是我最愛既蘑姑湯，不消一會便喝完，yummy.食埋凱撒沙律，便上了主菜:香草煎封羊架及烤澳洲牛柳扒。羊架外焦香，內嫩滑，令人留下深刻印象。牛柳熟度掌握得好好，切開入面是粉嫩色，入口細嫩，回味無窮。最後食埋士多啤梨奶凍，為今餐畫上完美句號。

朋友請食生日飯，我都係第一次黎呢間食。店內環境唔錯，唔會太嘈而且坐得舒服。當日我地嗌左個set, 有沙律同湯做前菜，main course就揀左牛同鴨脾。值得一提係佢個鵝肝多士好好食

去旺角睇完戲食咩好？唔一定要去朗豪坊搵食既，砵蘭街其實都有好多選擇，呢間就主打法式西餐同甜品。一入到去雖然見好細間，不過都幾精緻企理，燈光比較暗，氣氛悠閒，情侶拍拖或者三五知己係度吹水都一流！先黎一碟黑松露意大利飯，賣相雖然唔太吸引，不過濕濕地幾好食！之後黎個烤澳洲牛柳扒，肉質鮮嫩，加上黑椒汁又唔太辣，o岩晒嗜肉者！然後介紹既係香草鱈魚柳，都係鮮味十足，一Ｄ都無雪味，一塊鱈魚一啖薯蓉，好好既享受！最後黎個甜品，芒果雪糕拼心太軟，雪糕唔會太甜又有芒果味，心太軟入面既流質朱古力整得剛剛好，一絕！

岀街食個Fine dining 冇500都走吾甩。依間餐廳就岀左個平民價既二人法國set。埋單都係400幾，認真抵！餐廳booking都幾full。細細間，位置有限。環境燈光暗，只有座位頭頂上有較明亮的燈。食野時吾驚太暗，相信在座位燈光設計上有花心機。有兩個二人餐揀，貴啲果個有蠔。因為我地都吾食蠔，所以揀左平啲果個set。除左一般西餐會包既湯and沙律。依個二人餐有埋 appertizer。可選二。1. 青蘋果鵝肝多士清新的青蘋果味同濃味的鵝肝，口感與味覺上的配撘豐富。作為開胃小吃一流。2. 巴馬火腿蜜瓜薄薄的火腿，且不太咸。個人不太喜歡風乾太耐而太咸的火腿，所以依個岩岩好。之後就到主菜喇！3. 燒醬烤原味豬肋骨見到張相都覺得 juicy la!! 肉質鮮美，切的時候十分輕鬆，都知道肉質有幾嫩。另配薯蓉及蔬菜。4. 忌廉海蝦墨魚麵依個就做得一般，麵煮得太耐，麵太淋身。但墨魚汁係突岀的，吾會腥。每條意粉都沾深墨汁。

完全唔覺得好食， 蔬菜湯好似飲緊味精湯咁， 多士鵝肝塊多士唔知擺咗幾多日， 又乾又硬， 忌廉墨魚汁大蝦意粉， 超濃嘅胡椒粉味， 勁辣， 食淨一半， 豬肋骨， 厚厚嘅茄汁在面上， 完全冇驚喜， 冇特別， 總之食茶記好過，還有d staff 沒有主動幫忙， 經常喺裏面談天，睇電話， 絕對絕對冇下次

今次呢間餐廳基本上係我食過嘅香港西餐廳嘅頭三位, 佢最正最正嘅係個生蠔.我地黎過呢間餐廳我諗三至四次左右啦,每次食完都會諗住再黎過.佢有兩款DINNER SET. 主要嘅分別就係貴啲嗰個SET餐係有得揀牛扒餐, 如果唔係太餓同埋唔想食牛扒嘅話,我覺得叫平嘅SET係OK嘅. 其實我兩個SET都有叫過, 牛扒係好食嘅又大份,對女仔黎講算飽嘅. 另外今次想推薦下邊啲菜色係做得非常出色.****超級好食嘅係前菜嘅鵝肝多士,同埋巴馬火腿蜜瓜*****個鵝肝多士對於我呢啲少食鵝嘅人黎講係超級香, 另外份量啱啱好,唔會膩, 再加上有個甜蜜瓜一齊食, 清爽清新不得了.

呢間cafe嘅食物一向有水準今次黎左呢度慶祝生日不過黎錯時間呢度晚餐比午餐多人 都多啲食物嘅款式揀晚巿2人套餐好抵食前菜好fresh 最愛鵝肝同帶子生蠔都好好食好新鮮之前嘅南非生蠔超肥美好抵食午巿黎講啲肉類都係一樣處理得好好幾嫩

Amour Corner位於旺角，價錢公道，食物水準又高，所以我同男朋友都好鐘意黎呢到食飯。餐廳裝修以黑色為主調，每張枱上都有蠟燭，氣氛非常浪漫。而餐廳最近promo，$126可以任揀6隻生蠔，只可惜我只近濕疹發作，與海鮮無緣。我地叫左個經典二人套餐，頭盤選擇左青蘋果鵝肝多士&巴馬火腿蜜瓜。鵝肝剛煎好，仲熱辣辣，表面微脆，入口即溶，油香係口中蔓延，配上青蘋果增添左爽脆口感。Parma ham配蜜瓜更係絕配！蜜瓜既鮮甜可以中和parma ham既咸香，兩者都唔會搶左對方風頭。是日餐湯係菇菌湯&凱撒沙律，蘑菇味十足，凱撒沙律既麵包粒仲好脆！烤澳洲牛柳扒: 鐘意食牛又想食得健康既我，見到牛柳扒三隻字已經雙眼發光啦！牛柳係牛扒之中脂肪較少既部位，亦都係最細嫩既，所以我叫左五成熟。廚房火喉控制得恰到好處，可以煎到剛剛五成熟，外面熟，內裡切開係半熟，有少少血水流出。生生地既牛柳口感柔軟、又腍又多汁，牛肉香十分突出，蘸上黑椒汁更滋味。香草煎封羊架:男朋友點左七成熟，一碟有兩件，其實兩個人share都得，不過我唔好羊，只係上左少少一角。羊肉唔算羶，而且咬落係有汁咇出黎，男朋友好滿意呢！頭盤主菜咁出色，

平日偶然油麻地做facial, 認真逛一逛發現位於後街的砵蘭街簡單是條食街有一晚我同友人行入一間頗有情調的西餐廳Amour Corner，裡面約有數十個座位，有皮餐椅亦有沙發，不過個人認為沙發太軟塌了，不太喜歡一坐底，店員即上前推廣當特價生蠔HK$128/6隻，當晚有澳洲、美國以及法國生蠔做優惠價，我和友人決定每款兩隻試齊3款蠔的大細雖然不算大和十分肥美，但勝在新鮮，還是以質素取勝來看一下餐牌，Amour Corner推出兩款二人晚餐，分別都有頭盤、主菜和甜品，價錢都好經濟實惠頭盤是青蘋果鵝肝多士和巴馬火腿蜜瓜這是2人餐，食物的份量亦是x2，可是擺盤真的太遜色了，青蘋果切太薄，多士包亦有點硬，這令口感稍稍扣了分數沙律味道中等，有Cream Cheese同芝士碎，溝翠綠沙律蔬菜，清新爽脆我鍾意食牛，主菜柯打烤澳洲牛柳扒3成熟，牛柳肉嫩無筋，亦無雪藏味，表層烤香，但裡面仍透出粉紅色，讚!!看來Amour Corner的主菜比頭盤要好，水準穩定，連友人的香草煎封羊架同樣出色，不得不讚一下小店的主廚功架甜品是奶凍，不算太甜，入口奶滑，表現平穩過關^^

今日同友人突登出到黎食依間西餐廳，兩年前已經黎過幫親，用低價食到高級水準。不過人流都比較多，需要等位（可以提早book定）坐位比較狹窄，但坐位好舒服而且環境完全唔吵雜枱面安放住一個蠟燭台，浪漫氣氛濃厚（美國，加拿大，法國）精選生蠔（$128任選6隻）美國蠔清新甜美，海水味道比較淡加拿大略帶少許金屬味道，同時都比較肥美法國海水味道比較重，口感清淡頭盤：巴馬火腿密瓜同埋青蘋果鵝肝多士巴馬火腿味道比較淡是日餐湯： 羅宋湯黑松露意大利飯味道不錯，香濃嘅黑松露氣味，飯粒半溶狀態燒醬烤原味豬肋骨醬汁味道香濃，酸酸甜甜最後一道奶凍結束左依一餐美味又飽肚既西餐

食到咁嘅質素又咁嘅價錢我真係以為自己眼花！除咗食物質素高，服務好之外，環境都好重要！呢度環境氣氛都足夠二人世界！如果音樂再大聲啲就更好二人套餐先3百幾蚊，128蚊就有半打生蠔！蠔有三款可以選擇。由淡味到濃味食起，每隻都好鮮好甜！之後二人餐先黎兩款頭盤，鵝肝配青蘋果搭多士，感覺好fresh,一啲都唔漏。之後係ham配哈密瓜，勁大舊！爽！以為食完之後食主菜，點知忘記咗原來仲有餐湯同salad 真係好抵食！主菜係豬肋骨同羊架，豬肋骨個醬汁好夾！食到好滋味，而且有兩舊可以分到一人一舊，唔爭食。羊架冇羶味，肉質仲岩岩好，叫咗7成熟！配埋薄荷醬冇得頂！之於個甜品真係點綴咗成個晚餐！太好食！雲里拿奶凍好夠味！真心好食！我會為咗個甜品再黎食過！

某人特愛這兒的西餐，貪其地區方便預約好又不用怎花時間等，加上環境ok有氣氛，所以人客向來不欠奉，有一年生日過來，預約了還要等差不多半小時才能入座呢，可見車水馬龍😂之景象。生蠔拼盤128半打優惠的價格，差不多每次來都會點來吃，叫了南非加拿大愛爾蘭，幾款都鮮甜海水味強，雖然size不大🤣佐料茄汁含黑椒，份外惹味！經典二人餐328 青蘋果🍏鵝肝多士沒有點錯，因為外脆內軟，煎得可口即溶。巴馬火腿蜜瓜瓜甜火腿又有咸香，美味選。餐湯羅宋湯挺好喝，用上不同的蔬菜，煲到淋軟，帶少許酸，真開胃。凱薩沙拉🥗沙律菜太新鮮，保留到爽脆，混入沙律醬，酸酸的超引食欲，比一般餐廳跟餐的田園沙律，出色不少。烤澳洲牛柳扒五成熟，肥部分不多，刀子切下能見肉汁四淺，嫩紅沒過熟，口感細膩，肉味亦濃。菠菜汁煙三文魚意粉意粉有均勻的拌好菠菜汁，而且即煮所以蠻彈牙，感覺清新，加上份量不少的咸香三文魚，熟三文魚肉忌廉菇菌汁等很滑，沒有油膩感，調味屬重。甜品🍮士多啤梨奶凍，少少甜醬令奶凍不過膩，奶本身就很香滑，牛奶味濃郁，吃到最後也沒有討厭的粉末狀👍🏻加5熱朱古力不會太甜，不過不失。加3凍奶茶偏甜的口味，也滑溜，正常。食後感：餐牌