Video
Read full review
2018-10-11
51 views
禮拜六唔洗返工，可以休休閒閒地做自己鍾意做嘅嘢 ，得閒就可以hea下搵下好嘢食咁，輕輕鬆鬆放自己一日假。登龍街本身就係一個好多好嘢食嘅地方，除咗好多間出名嘅拉麵店喺度插旗之外，呢排仲開多咗一間日本嘢， 係香港比較少見嘅吉列牛扒料理，除咗吉列牛扒之外，亦都有其他牛扒嘅菜式， 食得拉麵多都想試下啲新口味， 同埋最緊要係唔使排隊！店內環境闊落，唔會太逼，都幾舒服。餐牌上有一個個唔同嘅套餐可以選擇，除咗主打嘅吉列牛扒之外，亦都有唔同嘅牛肉部位可以試，例如安格斯西冷扒、板腱牛扒、薄切牛肉等等，而唔食牛嘅話，亦都可以有魚柳同羊扒去選擇。但今日嚟嘅目的就當然係是試主打嘅吉列牛扒套餐， 跟餐包括有沙律前菜，同埋一碗白飯，夠曬飽肚。唔好睇佢個爐好似好細，但其實火力都幾足，同埋都幾熱。牛扒份量適中，而且師父仲好貼心地將牛扒整成bite size，可以方便入口。牛扒包上炸粉之後，並唔會太熟，其實炸完都只係1-3成熟，可以自己放上可石板到燒。每粒既炸粉都非常均勻，肉質好軟好嫩，再用呢個石板煎香肉既表面，食落好香口，仲可以點埋附上既蒜鹽同醬汁，唔會太油膩。而沙律用上柚子醋，酸酸甜甜，清新得嚟令人更加開胃。飯方
登龍街本身就係一個好多好嘢食嘅地方，除咗好多間出名嘅拉麵店喺度插旗之外，呢排仲開多咗一間日本嘢， 係香港比較少見嘅吉列牛扒料理，除咗吉列牛扒之外，亦都有其他牛扒嘅菜式， 食得拉麵多都想試下啲新口味， 同埋最緊要係唔使排隊！
店內環境闊落，唔會太逼，都幾舒服。
餐牌上有一個個唔同嘅套餐可以選擇，除咗主打嘅吉列牛扒之外，亦都有唔同嘅牛肉部位可以試，例如安格斯西冷扒、板腱牛扒、薄切牛肉等等，而唔食牛嘅話，亦都可以有魚柳同羊扒去選擇。
但今日嚟嘅目的就當然係是試主打嘅吉列牛扒套餐， 跟餐包括有沙律前菜，同埋一碗白飯，夠曬飽肚。
唔好睇佢個爐好似好細，但其實火力都幾足，同埋都幾熱。
牛扒份量適中，而且師父仲好貼心地將牛扒整成bite size，可以方便入口。
牛扒包上炸粉之後，並唔會太熟，其實炸完都只係1-3成熟，可以自己放上可石板到燒。
每粒既炸粉都非常均勻，肉質好軟好嫩，再用呢個石板煎香肉既表面，食落好香口，仲可以點埋附上既蒜鹽同醬汁，唔會太油膩。
而沙律用上柚子醋，酸酸甜甜，清新得嚟令人更加開胃。
飯方面仲加咗唔少紫菜飯素，去日本食飯，有時都會見到啲餐廳有提供飯素，令到平凡既白飯更加香口好味。
而友人就嗌咗安格斯西冷牛扒套餐，同樣附有沙律前菜、白飯，只係少咁個石爐。
牛扒相當有肉味，非常濃郁多肉汁，而且表面煎得好脆。
但中間仍然係粉紅色，食落夠嫩滑，仲有唔少油脂香，不過側邊既脂肪比較多，如果預先切走埋就更好了。
整體而言味道唔錯，質素頗高，價格中上， 偶爾獎勵下自己都係唔錯嘅選擇。
Post
