JOY LITM (Closed)

呢間JOY LITM係銅鑼灣智選酒店地下，位置方便，鋪頭細細但坐得好舒服，白色裝修好輕鬆既感覺。甜品我地叫佐紅絲絨疏乎厘班戟，班戟好出色，上枱果陣仲識郁架，超軟滑超鬆軟，班戟上枱果陣會用膠套套住，膠套一除開經絲絨奶蓋就會流晒出黎，好香好滑，奶蓋品會太甜，加埋粒士多啤梨仲有少少酸味添，有種好fresh既感覺，稠滑既奶蓋點住班戟黎食口感好好，好鬆好好食🤤😋飲品就叫佐粉紅荔枝乳酪奶昔同埋安歌芒果乳酪奶昔🥤兩杯奶昔都用乳酪做中心，再加上新鮮生果攪勻做奶昔，生果都係每日新鮮即切，荔枝好清甜，芒果好香甜，攪勻晒既奶昔飲到粒粒果肉，口感好綿好正！