軟橋米苔目餐廳 (Moved) New Location

成日都話識食一定去深水埗搵食 呢個地方每次去覓食都總會有唔同既驚喜有時更會有d食店會令你想翻轉頭再食 例如以下食評既呢間軟橋米苔目記得第一次食時係經過見到價錢非常實惠 又對米苔目呢樣野感到新奇有興趣 就抱住一試既心態去食結果發現不但超抵食 仲勝價比高 不論小食,米苔目,抑或米線都屬有質素之選今次再去 仍然翻兜左麻辣湯底既米線真心覺得佢既米線爽滑 富彈性 比平時食開既連鎖店更高水準 而麻辣湯底則香麻味濃,辣味恰到好處配菜既腩肉亦好爽口當然點少得餐廳主打既米苔目台灣既風味 家庭式既溫暖 愛食銀針粉既朋友不能錯過同樣食過翻尋味既仲有呢個Q彈豆腐 口感真係好獨特 鐘意食爽口彈牙野既朋友一定會鐘意今次仲試左呢個炸肉餅 好過癮 炸得香脆 一上枱已經香味撲鼻 食落仲竟然帶小小午餐肉既味道呢間食店雖然睇落平平無奇 但其實收埋好多款吸引又抵食既小食 大部份都係$1X~2X就有交易咁抵既價錢 但有咁高既質素 真心推介都係果句 最支持有heart既小店