Video
Read full review
2019-01-13
111 views
我哋兩個人好鍾意周圍試吓唔同嘅食物，對於新餐廳更富有新鮮感，突然間好想食牛扒，今次就經過見到一間Su Casa嘅西餐廳，就入去試吓西餐先。餐廳裝修以綠色為主，感覺置身大草原裏面一樣，就連牆上都有樹葉的圖畫，感覺很清幽舒服。店員服務殷勤親切，安排我哋坐梳化位置，更隨即俾咗兩杯水我們，由於我們行咗一個鐘頭街所以都比較口渴，好快我哋就飲晒杯水了。餐牌上嘅晚市套餐價錢都係介乎$100至$160左右，套餐包括有有機飲品和主菜，仲可以以優惠價追加其他食物，相當抵食。攤燒紐西蘭西冷係晚市套餐中最貴嘅一個套餐，但係牛扒餐來說已經算是很抵食吧，另外再加錢配以蒜蓉包及是日餐湯-薯仔湯一份。薯仔湯飲落去質感好軟綿綿，每一啖都係薯仔蓉，充滿着流質嘅口感，味道好鮮甜。西冷牛扒終於到了，食物嘅賣相極之吸引！西冷牛扒有八安士重，見到牛肉表面有一格格嘅攤燒條紋，而且廚師非常細心，已經切開一件件上碟，牛肉七成熟所以咬落去質感好林，見到中間嘅牛肉呈現粉紅色的，煮得恰到好處。另外薯條都非常香脆，點少少茄汁一齊食更滋味。估唔到埋單係咁抵食，兩個人消費只係$360有找，連加一服務費，平均都只係$180一個晚市套餐，相信附近都好
餐廳裝修以綠色為主，感覺置身大草原裏面一樣，就連牆上都有樹葉的圖畫，感覺很清幽舒服。
店員服務殷勤親切，安排我哋坐梳化位置，更隨即俾咗兩杯水我們，由於我們行咗一個鐘頭街所以都比較口渴，好快我哋就飲晒杯水了。
餐牌上嘅晚市套餐價錢都係介乎$100至$160左右，套餐包括有有機飲品和主菜，仲可以以優惠價追加其他食物，相當抵食。攤燒紐西蘭西冷係晚市套餐中最貴嘅一個套餐，但係牛扒餐來說已經算是很抵食吧，另外再加錢配以蒜蓉包及是日餐湯-薯仔湯一份。
薯仔湯飲落去質感好軟綿綿，每一啖都係薯仔蓉，充滿着流質嘅口感，味道好鮮甜。
西冷牛扒終於到了，食物嘅賣相極之吸引！西冷牛扒有八安士重，見到牛肉表面有一格格嘅攤燒條紋，而且廚師非常細心，已經切開一件件上碟，牛肉七成熟所以咬落去質感好林，見到中間嘅牛肉呈現粉紅色的，煮得恰到好處。另外薯條都非常香脆，點少少茄汁一齊食更滋味。
估唔到埋單係咁抵食，兩個人消費只係$360有找，連加一服務費，平均都只係$180一個晚市套餐，相信附近都好難搵到食物有質素、而且坐得舒服、泊車方便嘅一間西餐廳吧，所以我推介經過必定要試吓！值得一試。
Post
