老闆娘雲南米線

Open Now

Now Closed

一向都將老闆娘米線放喺心目中top 2，唔係住哩區都會特登坐車黎食。最近，因為疫情關係，老闆娘淨係做外賣，分上下兩場。嗰日跑到去剛剛好15:29（上場1530完），佢話已經截左單，但好彩都俾我哋買。第一次試麻辣胡椒湯（+$6），係有啖啖嘅胡椒味，但都係酸味比較重。朋友叫左酸辣，比較過兩個湯，佢嗰個好似仲香啲🤔個人都係比較好麻酸辣湯，層次多啲。餸我點左豬膶同雜菌，好多料。豬膶唔係爽嘅類型，粉粉哋，都ok！雜菌有冬菇、雞髀菇等等，夠曬豐富！快啲黎食啦！