富記瀨尿蝦專門店 (Closed)

海鮮癮發作，平時多數由爸媽代勞去煮比我食，但今次佢哋去咗旅行，只好搵朋友帶路去食海鮮比較出名嘅三聖村，聽聞呢到啲海鮮都係集中地，貨真價實同真材實料，今次朋友就揀了間相熟嘅富記瀨尿蝦專門店，貪其平價又新鮮先上嘅係白灼蝦，好新鮮彈牙，唔會食到霉，跟埋嘅辣辣醬油都好好味豉椒炒蜆好都夠味，蜆肉無沙，不錯吃當然要叫碟菜食下，減少罪惡感避風塘賴尿蝦都唔錯，賴尿蝦好大隻，肉質都算肥美爽口魚就清蒸，肉鮮嫩滑，好好味西芹炒象拔蚌，西芹有少少渣，但象拔蚌好爽口彈牙鹽焗肉蟹，肉蟹好鮮甜肥美最正係帶子，勁大隻又厚肉，加埋粉絲同蒜蓉香味無得輸