富記瀨尿蝦專門店 (Closed)

臨近新年和朋友的飯局一浪接一浪, 可以聚舊以及食餐好既, 都係開心的事。一行四人來到三聖邨, 當然是要食海鮮的了, 大家決定揀選富記瀨尿蝦專門店, 去食精選套餐, 是海鮮版的omakase, 由店員挑選時令生猛游水海鮮, 再交貨到附近餐廳加工煮, omakase價錢每人$270有七個海鮮加一個蔬菜, 價錢合理。  睇住店員在我們面前撈海鮮, 我們又多口問問這是什麼各樣那樣, 店員好友善的解答及和我們聊幾句, 說今天來真幸運, 剛好有不少靚海鮮, 嘻, 都不知是不是氹人的~ 最難忘的是撈龍蝦的時候, 龍蝦十分生猛跳跳扎, 撈起又會從網中跳出來, 瀨尿蝦專門店果然不簡單, 今晚最期待就是它了。  拿著海鮮去到附近餐廳, 這裡店員會問海樣海鮮的煮法, 同樣都好友善, 有商有量。這裡是大排檔環境, 但感覺乾淨又不迫, 而且有頗清潔的洗手間, 如手掂過海鮮可以先去洗手。  白灼赤米蝦 蝦撈起時也是跳跳扎的, 蝦不算大隻, 又夠新鮮, 用來白灼就最好了, 第一次食赤米蝦, 原來外殼較硬身, 肉質細嫩鮮甜, 份量之多令四人都吃得很滿足。 油鹽水花甲 有時出去食飯, 叫花甲食會黎左蜆,

同家人食海鮮就一定去三聖，貪夠近又新鮮。不嬲親戚帶開去某一間食既，但今次同朋友去食就揀左呢間即撈再加工既富記。2百幾蚊一位全包海鮮仲有一碟菜，好過係屋企處理嚟食，搞得嚟都天黑海鮮都好生猛扇貝！！！蝦都幾易剝，白灼小清新！店既招牌，又幾大隻喎。椒鹽整好有風味加上海風既陪伴！扇貝肉幾厚，蒜好夠味！豉椒炒花甲，有鑊氣！蒜蓉粉絲煮，正！ 貝殼類彈牙既！魚4個人分都好夠，吾會overcook。奄仔蟹係用鹽去調味，保持到蟹既鮮味。整體係不錯，夠新鮮！

約咗幾個老友記一齊去富記 瀨尿蝦專門店 ，食佢個 新推出嘅海鮮套餐， 這個係富記同埋青山灣海鮮小廚合作嘅海鮮套餐。 行到過去海鮮檔，先搵咗佢哋個負責人 ，會喺 富記揀咗當日最新鮮嘅時令海鮮 ，之後 就會拎去青山灣海鮮小廚到加工。 看到佢哋個海鮮檔生猛嘅海鮮，已經令人十分期待陣間嗰一餐海鮮飯。 呢個海鮮套餐四位起已經可以預約食㗎啦， 忍唔住要攞佢袋野先嚟影下相，超大袋，嗰個份量，比我平時 去三聖食海鮮閒閒哋都使五六百蚊既份量有多， 平時洗5，6百蚊都仲未必食到呢啲海鮮添呀。 避風塘炒大肉蟹 鑊氣足夠，抄得剛剛好，蟹嘅肉質keep住仍然係咁鮮嫩 不愧係大肉蟹個蟹鉗都大過我隻手 ，啖啖肉超正呀 超多膏 ，大大隻瀨尿蝦，一人一隻， 絕對已經回本了😁 清蒸沙巴龍躉仔 啲肉又爽又彈牙， 時間剛剛好， 師父拿捏得火喉很好 蒜蓉粉絲蒸大扇貝 夠曬大隻 ， 滋味滿分 ，令人十分回味 蒜蓉粉絲蒸象拔蚌仔 食咗幾款海鮮都非常新鮮， 魚蝦蟹乜都有，連象拔蚌仔都有， 實在太過興奮喇 食咗幾款椒鹽同避風塘嘅海鮮咁梗係要食下啲清清哋嘅， 油鹽水煮蜆， 啲錢全部大大隻啖啖肉而且冇沙， 好味到連湯都要清埋

雖然住在附近，但上次來三聖村食海鮮已是3年多前的事了。今晚特別請朋友來食海鮮是因為知道富記為顧客提供海鮮套餐，不論人數，每位$270，包7款海鮮及一個時菜。即使三四個人，甚至兩個人也可以食到多款不同種類的海鮮，實在較一般海鮮酒家來得有彈性及體貼，令人窩心！富記地利優越，位於村口第一間，非常搶眼。雖然標榜瀨尿蝦專門店，但其他海鮮亦包羅萬有。親切老實的老闆親自揀選7款新鮮海產後，派專人帶我們去附近不遠處的室內菜館就座，地方乾淨，開揚寬敞，更有少許海景，環境遠較冬菇亭那邊為佳！雖是指定套餐，但顧客可按自己口味，烹調各款生猛海鮮，果然以客為先。辣酒煮花螺 ~ 濃郁香惹的辣酒滲入爽嫩花螺， 出奇地清新不太辣，佐酒一流！鹽焗奄仔蟹 ~ 奄仔蟹鹹香惹味，雖然蟹膏不算太多(老闆一早講明, 所以也沒有大失所望)， 仍然讓人齒頰留香，每人半隻真的有些意猶未盡！清蒸沙巴小龍躉 ~ 小巧精緻，4人份量剛剛好，魚肉暖軟細滑，火候控制無得彈。豉椒炒蜆 ~ 豉椒非常惹味，配上鮮甜蜆肉，令人回味。椒鹽瀨尿蝦~ 招牌瀨尿蝦果然名不虛傳，隻隻都大過手掌，肥美新鮮，用椒鹽烹調，更突顯瀨尿蝦的鮮甜，濃郁鮮味洋溢於口中 蒜蓉粉

約咗幾個老友記一齊去富記 瀨尿蝦專門店 ，食佢個 新推出嘅海鮮套餐， 這個係富記同埋青山灣海鮮小廚合作嘅海鮮套餐。 行到過去海鮮檔，先搵咗佢哋個負責人 ，會喺 富記揀咗當日最新鮮嘅時令海鮮 ，之後 就會拎去青山灣海鮮小廚到加工。 看到佢哋個海鮮檔生猛嘅海鮮，已經令人十分期待陣間嗰一餐海鮮飯。 呢個海鮮套餐四位起已經可以預約食㗎啦， 忍唔住要攞佢袋野先嚟影下相，超大袋，嗰個份量，比我平時 去三聖食海鮮閒閒哋都使五六百蚊既份量有多， 平時洗5，6百蚊都仲未必食到呢啲海鮮添呀。 避風塘炒大肉蟹 鑊氣足夠，抄得剛剛好，蟹嘅肉質keep住仍然係咁鮮嫩 不愧係大肉蟹個蟹鉗都大過我隻手 ，啖啖肉超正呀 超多膏 ，大大隻瀨尿蝦，一人一隻， 絕對已經回本了😁 清蒸沙巴龍躉仔 啲肉又爽又彈牙， 時間剛剛好， 師父拿捏得火喉很好 蒜蓉粉絲蒸大扇貝 夠曬大隻 ， 滋味滿分 ，令人十分回味 蒜蓉粉絲蒸象拔蚌仔 食咗幾款海鮮都非常新鮮， 魚蝦蟹乜都有，連象拔蚌仔都有， 實在太過興奮喇 食咗幾款椒鹽同避風塘嘅海鮮咁梗係要食下啲清清哋嘅， 油鹽水煮蜆， 啲錢全部大大隻

真怪𧩙呀又有趣，我食在公園裏🤣昨日和幾位朋友到了屯門三聖村海鮮街尋找美食！朋友挑選了街頭的 "富記賴尿蝦專門店" 買到一些各式各樣的海鮮，更帶到附近公園上的 "新恆福青山灣菜館" 烹調， 這餐廳在青山灣公園二樓全層，全面無敵海景，風味十足👍🏻， 但由於昨晚是下雨天，店主只好把防雨帳篷降下，欣賞不到這美麗的海景，只過着𢇁𢇁細雨浪漫氣氛下吃海鮮餐！吃海鮮餐 🤔我覺得首要條件，海鮮一定要新鮮，再加上巧手的廚師👩‍🍳， 必定可炮製到各樣好味的餸菜，另海鮮的鮮味，更加錦上添花！辣酒煮花螺剛才 富哥 為我們挑選的花螺，大細均等，肉質結實彈牙，混入了濃郁洒香、辣味，使我們胃口大開！豉椒炒蜆一不離二，馬上送上豉椒炒蜆😍，自小喜愛吃這道菜式，這種感覺和味道，帶給我很多童年回憶👦🏻； 肥美的蜆肉，送上冰凍的啤酒🍺，配合得天衣無縫！蒜蓉粉絲蒸象拔蚌貨真價實的象拔蚌，廚師你用了惹味的蒜蓉、粉絲、香蔥和調味蒸製而成，烹調的時間掌握剛好，嬌嫩的象拔蚌，配搭嫩滑的粉絲，加上香噴噴的蒜蓉，一吃停不了口，就連貝殼上的湯汁也吃掉😘😋😋椒鹽賴尿蝦富記的招牌賴尿蝦，果然係新鮮（名不虛傳），肉質鮮嫩，帶點鮮甜味之如，更充滿濃

海鮮癮發作，平時多數由爸媽代勞去煮比我食，但今次佢哋去咗旅行，只好搵朋友帶路去食海鮮比較出名嘅三聖村，聽聞呢到啲海鮮都係集中地，貨真價實同真材實料，今次朋友就揀了間相熟嘅富記瀨尿蝦專門店，貪其平價又新鮮先上嘅係白灼蝦，好新鮮彈牙，唔會食到霉，跟埋嘅辣辣醬油都好好味豉椒炒蜆好都夠味，蜆肉無沙，不錯吃當然要叫碟菜食下，減少罪惡感避風塘賴尿蝦都唔錯，賴尿蝦好大隻，肉質都算肥美爽口魚就清蒸，肉鮮嫩滑，好好味西芹炒象拔蚌，西芹有少少渣，但象拔蚌好爽口彈牙鹽焗肉蟹，肉蟹好鮮甜肥美最正係帶子，勁大隻又厚肉，加埋粉絲同蒜蓉香味無得輸

今次由屯門之友帶隊去三聖邨食海鮮，先去三聖街揀海鮮，今次選了富記海鮮檔試下海鮮種類都幾多，睇到眼花撩亂最終由魚檔介紹數款比我哋，再由佢介紹安排到附近廚房開餐花甲解新鮮用豉椒去炒已經好好味象拔蚌就起肉用西芹去炒，好鮮甜彈牙蝦就用白焯，食番原汁原味嘅鮮蝦甜味，點少少辣椒豉油更提鮮瀨尿蝦都係用最其本的避風塘煮法，幾大隻不錯元貝更係用粉絲蒜蓉去蒸帶子位好厚肉肥美，仲幾鮮甜彈牙大肉蟹就用鹽焗做法，都算實肉味鮮，但因為肉蟹唔算多羔，鹽焗多鹽香味魚就一定是清蒸，條魚都好新鮮，肉嫩滑得嚟仲帶點彈牙，同埋無泥味，因為最怕食魚有泥味

屯門三聖講想去想去講左好耐，成日無機會，今次媽咪生日就預早book左依間海鮮店泥食。媽咪最愛係海鮮，希望佢會滿意啦。三聖街成條都係琳瑯滿目既生猛海鮮，而今次去既依間係係正街頭既一間賴尿蝦專門店。見到我地好似搵緊地方食野，都好熱情甘同我地介紹。我地當晚就$270／位有7款海鮮加一個菜。如果吾鐘意指定既海鮮，可以加錢轉既見住啲海鮮生勾勾甘被撈起—＞入袋，跟住集齊晒7款就會拎去加工既一個地方煮，就係個度食埋，好方便。生蝦甘跳架元貝勁大～佢既主打瀨尿蝦，都幾大隻。本身仲話270蚊包既係細瀨尿蝦，但我一望。。。其實都幾大隻！加工及進餐既地方，去到就比佢地發辦點樣煮各種既海鮮。大排檔感覺，好麻甩，正！小食$10，青瓜赤米蝦，細細隻，用左白灼方法。好易剝開，入面肉好甜味。豉椒炒花甲就係經典，入面好嫩，全部都無腥味，好開心！食到重味既野就係飲，30蚊。椒鹽瀨尿蝦極級惹味，入面都算濃味。雖然無膏，但啲肉都好新鮮好彈。元貝大大個，入面都好厚肉同埋鮮甜架，吾係得個殼。如果粉絲再多啲就正了，最愛粉絲。幸好仲有一道係用蒜蓉粉絲蒸既，象拔蚌仔爽彈！條魚４人食都夠，好嫩滑。佢地加工真係煮得啲海鮮剛剛好！奄仔蝦薑蔥蒸

差不多一段時間就想去三聖食下海鮮，聽朋友仔介紹富記 龍蝦專門店依家新推出咗個限時套餐，個套餐係四位起嘅 ，每位$270起， 如果預先預備嘅海鮮想唔啱心水，也可以加錢轉其他海鮮款的。當中包括咗8款 新鮮生猛 海鮮 + 一碟蔬菜 。只接受預約，所以 我地一行四人提早兩個星期前一早book定枱去到三聖村穿過牌坊行到入去第一檔就會見到富記瀨尿蝦專門店， 其實呢度係一個大排檔。佢哋新推出嗰個套餐係同青山灣沙灘上面嗰間青山灣海鮮 小廚合作的。首先會喺富記， 即場揀咗d超新鮮生猛嘅海鮮， 因為佢先係時令架 ，所以每次所選擇嘅海鮮都會有所不同的， 店主都會選擇當日最新鮮嘅海鮮泥做呢個套餐嘅主菜。大大碟海中蝦就咁白芍都已經非常鮮甜彈牙油鹽水煮蜆 ，全部大大隻，無沙的， 朋友仔連湯都飲曬😋😋一人一隻象拔蚌仔， 見到都流曬口水呀， 簡簡單單 用蒜蓉粉絲蒸，已經超鮮甜。蒜蓉粉絲蒸大扇貝， 大大隻，一啖食嗰種口感， 十分令人滿足清蒸 沙巴龍躉仔， 又嫩又滑，連我唔愛食魚嘅朋友仔都忍不住食咗半條喔富記不愧係瀨尿蝦嘅專門店， 佢哋嘅瀨尿蝦的確好出色，隻隻都 有成隻碟咁大隻 ， 仲要好多膏添， 椒鹽就最啱我口味啦避風

與友人近年海鮮聯誼，都選三聖邨而捨傳統鯉魚門、西貢等海鮮聖地。無他因為這兩聖地的酒家菜館都長期受到吹捧，旅遊雜誌到一致給予高度評價，不愁生意當然也定價進取，朋友最近去罷西貢全x ，HK$1xxx一個人頭，反饋: 『成千幾一個人頭，唔知食左乜x野落肚！食普通野都貴到飛起。』我冷冷的說： 『身為香港陀地，自願申出龜頭，俾人斬到一頸血，抵x死！』三聖食海鮮性價比高，無論海鮮檔貨源及附近加工食肆都水準超綽。最近聽聞有海鮮檔跟食市合作推出一口價HK$270買單海鮮套餐，不用揀海鮮，不用問加工費多少錢一斤，簡單方便，平日到三聖吃海鮮，吃好一點也要HK$5-600，HK$270一位聽起來真的很心動，正所謂心動不如行動，決定去試試由富記瀨尿蝦專門店及新恒福青山灣菜館合作炮製的HK$270全包海鮮套餐。友人們未到前先去海鮮檔八卦一下他們的海鮮是否生生猛猛，扎扎跳，目測結果甚滿意海鮮游得開懷，水質清澈，選擇品種繁多。到達新恒福，環境是無冷氣大排檔格局，場地最少可容納200多位，當晚七點半左右全場爆滿，冬天在這裏吃會很有風味，但夏天幫襯，場面會是吹着清爽海風用餐？還是蒙古王打仔般（大汗揼細汗）般用餐？可以在

朋友話生BB前後無食海鮮好耐，海鮮癮起，好想大吃一頓，大家住屯門，就近近地去三聖食，其實每次黎都唔知食邊間好，我地由輕鐵站行過黎，第一間就見到富記熱情咁介紹，原來佢提供套餐食，行左個圈決定搵返佢，始終有預算比較好，食海鮮有海鮮價，我地又唔太知價，新年流流唔想比人劏到一頸血。返到去員工喺我地面前撈海鮮，同喺一般餐廳食唔同，係真正見得到嘅新鮮，呢種形式食海鮮最好，保証新鮮之餘，又唔駛自己煮，拎去附近餐廳就得，套餐仲包埋加工費添，每人只係$270。撈晒海鮮一袋袋後，員工就帶我地去附近嘅餐廳，按我地心水去揀加工方法。海鮮整得好有效率，快手黎到。果皮蒸鮑魚唔會蒸得過火，口感Q彈，果皮味好香濃。薑蔥炒膏蟹，個汁滋味到不得了，要啜埋手指，個蟹超多膏又好大隻，蟹鉗爆開左好易食。瀨尿蝦梗要椒鹽煮先夠惹味，好耐無食過咁大隻肉厚嘅瀨尿蝦，椒鹽味唔會只停留喺表面，肉都好香，而且好新鮮。蒸魚睇落普通，其實好考功夫，呢條魚火喉掌握得好，蒸到好滑，沾上有油香嘅豉油食一流呀！蝦細細隻就揀白灼，朋友認得呢款蝦係赤米，雖然細隻但特別鮮甜，未食過咁甜嘅蝦。簡單油鹽水花甲，用料夠新鮮也能成為平凡中的不平凡，隻隻花甲無沙，超鮮

今年識飲識食的其中一位组員話要團ㄧ團年, 大家舉手讃成, 大家於是便捜羅一下食肆, 有人提議食中菜, 有人提議食自助餐, 有人提議食放题, 但大家不感興趣, 後來我提議食海鮮。大家以為食海鮮會好貴都不敢和議, 後來告知$270一位,  有7個海鲜一碟菜, 之後大家都覺得抵, 便落實日期訂位。我們很早便去到三聖村這個海鮮聖地, 舖位就係第一間舗, 已經見到好多人正在揀選海鮮。老闆亦開始為我們揀選海鮮, 每樣海鮮都是在我們面前挑選, 挑選完海鮮會分開一袋袋紥起, 绝不欺場。然後會有人連同海鮮帶我們去一家類似大排檔, 有人會為我們烹調食物。辣酒煮花螺-花螺都很多很大隻, 很有鮮味。鹽焗蟹-蟹雖然不是很大隻, 但隻隻都有蟹膏, 肥美甘香。蒜茸聖子-聖子鮮甜肥美, 爽甜不韌。蒜茸蚌仔-蚌仔都好大隻, 好多肉, 鮮甜不韌。豉椒花甲-花甲隻隻新鮮, 隻隻開口, 肉味鮮甜。椒鹽瀨尿蝦-瀨尿蝦又大隻又多肉, 新鮮肉厚爽甜。清蒸海班-海班肉質夠新鮮嫩滑。清炒菜心 - 菜心都幾多幾大碟。

今天來到三聖村吃海鮮， 第一檔的富記說有位坐，連工包料海鮮套餐$270/人。好吧就試試看。有七個海鮮及一個菜。每種海鮮都是即時從魚缸撈上來，十分新鮮生猛！撈完便到附近的室內大排檔加工。這兒有點像新加坡的感覺！$270/人 套餐 椒鹽瀬尿蝦主打菜瀨尿蝦，好大隻，以椒鹽炒製，十分惹味姜葱蒸魚沙巴龍躉夠新鮮，不過比較細條。白焯蔬菜豉椒炒蜆花甲新鮮惹味有鑊氣！蒜蓉粉絲蒸象拔蚌仔象拔蚌有手掌般大！粉絲都是精華所在！盐焗奄仔蟹奄仔爆哂膏！每人半隻唔夠喉！豉油皇大蝦蝦頭爆膏，豉油皇十分惹味！而且還是海蝦的呢！蒜蓉粉絲蒸扇貝扇貝很大隻，又清洗乾淨！