媽咪雞蛋仔 (Closed)

行過加拿芬道見到有人排隊，八卦下見到原來係排雞蛋仔。一看之下原來媽咪雞蛋仔大有來頭！係米芝連推介小食店！孤陋寡聞的我真係冇聽過這間小食店！雞蛋仔有很多口味選擇，最特別是白芝麻味！ 好奇但怕奇怪，所以最終只點了最保守的朱古力味。等候時間大概十分鐘，但店方管理有系統，只要看指示牌取雞蛋仔便可。終於到手！ 初時看雞蛋仔與原味無別，以後味道會較淡（因為之前食過其他店的是以朱古力蛋醬弄成朱古力色的）。但咬開一粒後才發現每個蛋糕仔下都有朱古力粒！比起朱古力醬的更甜更好味！ 下次會試試綠茶味朱古力！