喜鍋 海鮮‧火鍋‧小廚 (Closed)

天氣凍凍地, 最啱就係烚下烚下，朋友介紹我去咗旺角上海街嘅喜鍋打邊爐，話選擇豐富，用料新鮮，價錢唔貴。我哋一行三人嚟到，店員服務殷勤，熱情咁介紹海鮮，同埋店舖嘅招牌菜。聽到她說店舖最出名係花膠鯊魚骨膠原鍋，我哋三個女士梗係聽到就想補一補骨膠原。配料方面，叫咗美國雪花肥牛，蔬菜拼盤，脆骨腩，有魚有肉有菜，呢餐夠曬健康，營養均衡。個花膠煲用料好足，超多花膠，仲有豬手，雞腳，鯊魚骨，呢啲膠質食物，食完即刻靚咗😂肥牛都唔錯，雪花紋理夠靚，牛味濃。脆骨腩新鮮，食落去脆卜卜咁，美味😋