363
5
1
3-min walk from Exit A1, Yau Ma Tei MTR Station continue reading
Telephone
27661378
Opening Hours
Today
18:00 - 03:00
Mon - Sun
18:00 - 03:00
Payment Method
Visa Master Cash UnionPay
Number of Seats
80
Other Info
Wi-Fi
Open Till Late
Alcoholic Drinks
May Bring Your Own Wine
Phone Reservation
10% Service Charge
TV Broadcast
Review (375)
Level4 2019-02-19
634 views
這兩天天氣又突然轉冷,很想吃滋補類型的火鍋。看到食評說這家的花膠湯底不錯,便相約朋友一試。📍招牌花膠鯊魚骨膠原湯鍋$188湯底有超厚身花膠、脆口鯊魚骨、雞腳、豬手和紅蘿蔔,餚出來的湯呈奶白色。店員親切的提醒我們,在吃火鍋前先滾一啖湯來吃,滋潤一下。果然,花膠湯非常鮮甜,厚身花膠又滑又冧有膠質。湯底內花膠並不少,大概有8塊。📍甘香泡飯$28是炸過的米飯,可以說是黃金飯焦,加上一點湯來吃,飯粒吸收了花膠湯的鮮味,美味無窮。📍雪花美國肥牛$108肥牛新鮮,肉質鮮紅,肥瘦均勻。📍日本黑豚肉$98黑豚肉肉質結質,雖然有少許肥肉,但吃起來感覺豐腴但不會膩。📍四寶餃$68有白菜豬肉餃、雲吞、鳳城水餃及韮菜餃,隻隻皮薄餡靚。📍手打五寶丸$88一次過可試均多款手打丸類,有牛肉丸、豬肉丸、鯪魚丸、蝦丸及墨魚丸。個人較喜歡蝦丸及墨魚丸,彈牙好吃。豬肉丸則比較特別,肉丸內加了一點冬菜,提升鮮味。📍西洋菜$28, 唐蒿菜$28時令蔬菜,乾淨無泥,清新爽嫩。📍酸梅湯$38/渣, 竹蔗馬蹄茅根$38/渣打邊爐的最佳配搭,酸梅湯酸甜開胃,竹蔗茅根香甜潤喉,解渴一流。餐廳價錢大眾化,職員態度親切有禮,會推介美食給客人卻絕不硬銷,又主動替客人加湯及更換骨碟,是誠意小店,值得支持。 continue reading
(The above review is the personal opinion of an user which does not represent OpenRice's point of view.)
Level8 2019-02-11
1798 views
雖然話依家食火鍋喺唔分季節,不過,天寒地凍時食喺別具風味啲,趁住驟冷少少嗰幾日,同友人嚟到「喜鍋」打打邊爐,「喜鍋」喺一位食友嘅心水推介,佢食過之後,大讚呢度用料靚,尤其牛肉,非常出色。店鋪位處旺角嘅上海街,可謂旺中帶靜嘅地段。甫進入餐廳,地方睇落唔太大,其實仲有樓上,不過,小弟就無走上去,唔知有幾大。但整體環境裝修骨子,企理乾淨,牆上貼有巨型嘅黑白香港懐舊照,對後生一輩相信感受唔大。坐低無耐,店員就遞上醬料架,有蔥花、生蒜、辣椒油、辣椒、熟蒜、麻醬及豉油,雖然陣容唔叫得強勁,但就啱我心水嘅醬料,收費每位$10,唔要都收架啦,唔夠亦可以再添。如果大家入門口前,有留意鋪面嘅店名,就會見到喺「海鮮、火鍋、小廚」,門口旁就架設咗幾組大魚缸,內裡有不少生猛海鮮。另一方面,就提供好多餐前小食。此外,更好多嘅人氣之選,小食、刺身、湯底、火鍋配料都有包括到,如諗唔到揀乜,就不妨喺度落手。而講到食火鍋,湯底當然喺一家火鍋店嘅亮點,仲有,火鍋配料嘅種類、特色,都喺好重要,詳細就唔寫出嚟嘞,貼上佢哋嘅火鍋點菜紙,就一眼乜都睇晒,有埋價錢俾大家參考。牆上不時貼有啲時令菜式或特價海鮮嚟吸客,今晚,就見有蟶子皇、大元貝、鮮鮑魚喇。最後,順便介紹埋啲飲品,啤酒就唔使講啦,食火鍋嘅好朋友,此外,仲有紅白餐酒,健康啲嘅可以揀竹蔗馬蹄茅根、酸梅湯。竹蔗馬蹄茅根 $38 / 渣店長強調喺自家製,睇樣就知喺足料嘅好嘢嚟啦,玻璃樽內睇得出喺真材實料,味道清甜自然,冰涼解渴又清潤。日本胡麻醬冰菜 $38點好鍋底,都知無咁快有得食,所以,點一客餐前小食,因為一陣都食肉多,所以,就揀咗新出品嘅「日本胡麻醬冰菜 」,啲冰菜真喺好似有啲冰珠晌面,頗得意,入口勁爽脆,拌以胡麻醬,味道唔單調。招牌花膠鯊魚骨膠原湯鍋 $188打邊爐湯底喺靈魂之一,揀咗人氣之選嘅「招牌花膠鯊魚骨膠原湯」,並奉送一小桶甘香泡飯。湯底睇表面就梗喺平平無奇啦,但撈兩嘢就知有幾足料,無正式數,但啲花膠頭頭尾尾夾埋都有成6、7件,仲要件件都好大塊。講到明足料,就梗唔喺齋得花膠,仲有雞腳同豬手,兩樣都煮到腍,食味唔差喎,而豬手同樣有好多骨膠原添。趁落火鍋料前,就梗喺先呷啖湯啦,咁精華,點可以錯過呀。確實,個湯底就咁淨飲,都好香甜,夠晒滋補,有種老火湯嘅感覺!手打五寶丸 $88多心嘅人就梗喺揀五寶丸啦,一碟過試勻店家嘅招牌自家手打肉丸:牛肉丸、豬肉丸、鯪魚丸、鮮蝦丸及墨魚丸。牛肉丸打到起筋,夠爽口;豬肉丸打得鬆化,混入冬菜,別具風味;鯪魚丸好爽身,鯪魚味濃郁;鮮蝦丸入口寧舍彈牙,極富蝦鮮味;墨魚丸則以墨魚味豐厚為主,口感無牛肉丸、鮮蝦丸嗰類咁爽身。霜降手切肥牛粒 $128心思思梗喺想上牛魔皇塔啦,但無4、5個人一齊都食唔晒啦,反而,未試過搵牛肉粒嚟打邊爐。上到枱,啲牛肉粒嘅油花好靚仔,不負霜降之名,店長提醒話比薄切嘅牛肉片灼耐少少,但估唔到,好似我哋穩陣啲灼耐多少少,入口都唔會韌,且甚有油香,肉味亦都不俗,掂喎!雜菇拼盤 $48老套啲都要啦,加份蔬菜籃平衡吓,喺自我感覺良好嘅選擇。不過,除蔬菜拼籃,仲有雜菇拼盤,結果我哋揀後者,都真喺有好多款式。甘香泡飯桶內其實喺炸過嘅飯粒,就咁食會好硬架,但倒入濃湯後,飯粒變軟,又吸收咗啲濃湯,味道特別正。但有兩點心得,一就喺如果你食嘅火鍋料喺太多肉,令個湯太油,就先撇咁啲油再下湯,其次,飯粒浸一陣就好喇,因為,食到飯粒外層濕濕哋,飯心就煙煙韌,幾有種食意大利飯嘅感覺。食埋個泡飯,真喺飽到上心口,而成餐飯都食得出店家用料精,唔喺嗰啲任食任飲嘅火鍋可比,當然,收費喺成正比嘅,但你會覺得物有所值。最後,都講少少服務,店員招呼有禮,不時問我哋使唔使加湯(堅喺加湯,唔喺清水嚟),見我成碟都喺骨頭,主動幫手換碟,就算有啲貴價嘅靚火鍋料推介,卻唔會成纏你硬銷,最鬼憎啲酒樓經理乜都話好好好、出面食唔到架喇嚟硬銷。 continue reading
(The above review is the personal opinion of an user which does not represent OpenRice's point of view.)
Level4 2019-02-11
581 views
初七正式開工,開工前嘅晚上選擇同另一半打邊爐,呢間喜鍋位於上海街,門面小小,估唔到有咁多好評,而且全晚熟客佔大部份,梗有佢出眾嘅原因。餐廳共兩層,地下位置唔多,有卡位,至於樓上係點就唔知道了,我諗應該有大枱,十分建議預約,皆因幾好生意。我地入座時剛剛6點,店員好快安排好座位,態度十分殷勤有禮,相信亦係客人回訪主因之一餐牌選擇甚多,單單係火鍋湯底已經有超過15款,包括花膠鯊魚骨湯、胡椒豬骨煲、雞煲、海鮮鍋、豬肺鍋等等,定價$58-228,店員輕輕介紹,花膠鯊魚骨同海鮮鍋最受歡迎,於是我地點左睇落幾豐富嘅海鮮鍋。配料方面有小食,海鮮例如象拔蚌、鮮魚;肉類、丸、滑、蔬菜、麵食,比較特別有個甘香泡飯。醬料 $10/位魚湯海鮮鍋 $208海鮮鍋果然幾豐富,裡面有蟹仔、三隻大蝦、帶子、大蜆,仲有埋菇菌、蘿蔔,確實足料。不過上鍋時已經全熟,湯底滾起就要快啲食,仲可以飲湯鮮魚湯蟹肉唔多,但幾鮮甜。啖湯飲得過,魚鮮唔腥,暖粒粒。大蝦大隻,肉爽比較可惜係大蜆唔算太新鮮,有少量沙。蟹籽墨魚油炸鬼 $58店主推介呢款小食,油炸鬼即炸,香脆度高,而且唔會太油膩。墨魚滑爽彈,加埋蟹籽,最正餐前小食實至名歸,前後左右三枱都有點。珊瑚蚌 $108新年連續數日食左盆菜,又燒烤,唔想再食咁多肉,於是點左珊瑚蚌。份量都幾多,大小適中,口感爽脆。手打鮮蝦丸 $58丸類一口份量,口感結實,膠質唔多,食到明顯蝦肉,都算唔錯。韭菜餃 $48餃子一份8粒,性價比高,皮薄餡香。萵筍 $28唐生菜 $28呢度嘅蔬菜類相對其他火鍋店抵食,所以點左兩份,萵筍淥完好腍、無渣。生菜吸收魚湯精華,正。整體而言,喜鍋嘅質素唔錯,湯底方面推薦花膠魚湯多啲;而最令人印象深刻相信係店主同店員嘅服務,難怪咁多熟客呢。 continue reading
(The above review is the personal opinion of an user which does not represent OpenRice's point of view.)
今日晚餐來左上海街呢間火鍋店打邊爐,呢度好評甚多,我地都訂定位,餐廳位置唔算多,我地坐卡位,闊落舒服,一袋二袋都完全唔逼。店員好爽手,遞上醬油,並輕輕推介過湯底、配料,包括鯊魚骨湯底同海鮮湯底都推薦。menu選擇多,湯底超過20款,價錢合理,包括有鯊魚骨湯底、胡椒豬骨、雞煲、海鮮鍋、椰青鍋、杏汁豬肺、醉雞、魚頭鍋等等,價錢58-328,豐儉由人。配料由小食、肉類、海鮮、丸、餃、蔬菜等有齊,款式好多,而且價錢唔貴。醬料花膠鯊魚骨膠原湯鍋我就好推薦呢度嘅湯底,尤其是呢個花膠鯊魚骨膠原湯鍋,性價比高,仲要好足料裡面有花膠,好大抽,厚而滑溜,真係超正,女士唔好錯過。一見到咁多花膠,我地就一路讚抵食!鯊魚骨除左花膠,仲有幾舊大豬手同雞腳,好入味。湯底煲滾之後,都好濃郁,飲左好多碗先開始打邊爐最特別係送埋甘香泡飯,脆米再加番呢個湯底,無得輸,一人食左大碗,好鬼正黃沙大蜆抵食,一份有成15粒,性價比高,78蚊份真係想點多份啊,大隻飽滿無沙。手打鮮蝦丸一份6粒,唔係好大粒果種,但啖啖蝦肉。秘製芝士墨魚丸一份四粒,好大粒架,有墨魚口感,而且佢裡面都有芝士,好流心我超鐘意芝士竹輪,呢隻夠大粒,淥起漲漲卜,入面又係流哂芝士。最後點左兩款菜,包括白菜仔同萵筍。 continue reading
(The above review is the personal opinion of an user which does not represent OpenRice's point of view.)
Level4 2019-01-05
986 views
近日氣溫就如過山車般,驟升驟降,這種突如其來的劇變,不易適應,也最難熬。今晚,冷鋒提早殺到,對於怕凍的小妹來說,簡直是個噩耗。為了自求多福,晚餐決定烚下烚下,讓身體熱辣辣,抵抗嚴冬。這間火鍋店佔地兩層,裝修屬茶餐廳格局,但勝在環境整潔。是夜客人絡繹不絕,熱鬧非常。安頓過後,店員主動端來調味架,大家可按喜好自行混合蔥花、辣椒、生蒜、熟蒜、XO醬或麻醬($10/位)。打邊爐始終易上火,我們又不愛汽水啤酒,於是喚來竹蔗馬蹄茅根水($38/渣)。只見玻璃瓶內盛著粟米、紅蘿蔔、竹蔗、馬蹄,真材實料;味道方面,清甜自然,解渴之餘,亦有助清熱。天寒地凍,特別容易肚餓。立即柯打一客蟹籽墨魚油炸鬼($58),安撫正在扭計的五臟廟。成品金金黃黃,賣相靚仔,忍不住先吃為快。油條香脆乾身,中間夾著爽彈的墨魚膠,再加上卜卜蟹籽,多重口感匯聚一起,夠晒過癮。個人喜歡蘸些泰式酸甜醬,令人開胃,亦能消減油膩。打邊爐,湯底當然是重要一環,今次就挑選了最出名的招牌花膠鯊魚骨膠原湯鍋($188)。乳白色的湯頭非常甜美,越滾越濃,滿嘴都是黏黏的膠質,滋補養顏。鍋內配料包括矜貴的花膠和鯊魚骨,還有雞腳、豬手、紅蘿蔔、芫茜及芹菜。雖然雞腳豬手容易出油,但蔬菜起了平衡作用,因此毫不覺溜。這個湯底還會贈送一桶脆米。店員教路,可先將脆米放進碗內,然後加入滾起的湯,稍等一會便可進食。首次嘗試,浸製時間很短,米粒外面濕潤,中心仍然脆卜卜,香氣濃郁。之後再吃,以木桶蒸焗較長時間,這次口感又有不同,米粒吸滿湯汁,更加入味及脹身,恰似泡飯。脆米的吃法頗有特色。火鍋與牛,可說是不可分離的好兄弟,每次也要吃過才夠滿足。看見鄰桌客人點了牛魔王塔($398),本來也心郁郁,不過胃納有限,還是叫碟小的頂級安格斯牛頂脊($188)方為上策。成品色澤紅潤,脂肪紋路平均,只需輕灼幾秒便可品嚐。牛頂脊腍軟細嫩,入口無渣,肉味香濃,質素果然上乘。小妹口味麻甩,尤喜歡吮骨頭,水庫魚頭雲($78)絕對合心意。魚頭份量不少,早已斬開一件件,方便享用。觀其充滿光澤、眼睛凸出,便知非常新鮮。品嚐魚頭,主要吃滑嘟嘟的外皮,當然,藏著的啫喱骨髓同樣誘人。魚雲部份頗有肉地,即使稍不留神,淥製時間長了點,依然幼嫩,不負所望。店家還有不少推介,附上圖片以供參考。 continue reading
(The above review is the personal opinion of an user which does not represent OpenRice's point of view.)