越泰 (Closed)

是晚去開上環，見到有一間新開的食店，好奇心下，就走去試試。講下店內周圍先啦，牆上掛左一些畫，以及枱上的擺設，加上店名，應該可以估到食既食物應該是泰國或越南野了。值得讚的，店內枱凳位置很鬆動，另人甚感安心。我們點了幾樣食物。1. 酥炸軟殼蟹伴濱海 ($125)濱海即是越南米粉類似既野，本身冇咩味道，但由於軟殼蟹本身較咸，一併夾黎食，味道剛剛好。2. 西貢生牛肉湯河 ($56)河粉不算太”林” ，有咬口，湯底味道較淡，加一些辣椒提下味，更加好。3. 河內香茅燒春雞 ($148)由於是即燒的關係，我們大概等了20分鐘才有得食。肉質鲜嫩，外皮烤得香脆，點或不點醬汁食，味道都是咁好。4. 椰汁冰 ($26)面層滿滿的泡沫，底層很重的椰汁味，特式飲品黎講，價錢很吸引。5. 椰汁千層糕賣相很靚，口感煙靱，甜味適中，作為一個飯後甜品，確實不錯。不論環境及味道，越泰都算是上環區的好選擇。