南洋麵屋 (Closed)

疫情都唔知幾時先完，與其等到有得去旅行，不如立即用預左去trip d 錢佢，食下d 地道d 既特色菜館，即時happy 左先講！東南亞不嬲都係on 我既旅行check list，即管試下呢間南洋餐廳。個人本身超鍾意食泰式生蝦，特別係果隻酸甜醬汁，諗起都流晒口水，我一個人可以食晒成盤......呢度都有得叫，不過侍應姐姐話咁岩無貨，無計。唔緊要，有樣我都好鍾意食既香口野，就係蔗蝦喇！呢個越南蔗蝦，三碌大大碌炸至金黃色，以綠色既沙律菜伴碟，賣相好靚，食慾大增！舊肉同炸蝦餅類似，外層酥脆，裡面既蝦膠實淨彈牙，熱熱的很好吃，點埋酸辣醬更加係perfect match！仲有唔使怕食相可能會核突左d，總之最尾係一定要咬埋碌蔗，咁先夠地道～椰漿糯米飯一般都係配芒果，但呢度仲有士多啤梨、朱古力甚至榴槤雪糕揀，令人心大心細...... 一於試番個榴槤雪糕糯米飯，以雪糕杯盛載，舊雪糕呈微黃色，陣陣飄香得黎唔會話好濃味，初學者都岩食～厚厚既椰漿蓋滿整球飯甜甜的，更係讓人無法抗拒！再嗌埋杯特色飲品咁就完美，而且叫左果個蔗蝦之後飲品仲只需半價。食完炸野，來一杯凍龍眼水，有住多多龍眼肉，味道清甜，清下熱一流。