Fûhn (The L. Square) (Closed)

今日約了以前的同事聚舊，同事去完通利琴行睇結他後就去食越南菜。餐廳已裝修，風格同之前唔同左，原來仲轉了新菜單，甘都好，有新鮮感。同事食素，我食肉，所以新餐牌都岩我們，都一樣照顧到素人及食肉獸。一定要叫火車牛魔粉，香蔥配菜都係分上，食材有手打牛丸，牛栢葉，牛坑腩，牛筋片，仲有安格斯牛，牛腩邊，身為牛精的我超超愛，牛肉片在滾湯之下浸熟，很滑口，牛筋片都有充夠的膠原，牛坑腩的脂肪分佈均勻，湯底充滿牛味，清甜，加少少青檸汁提鮮，河粉幼滑，條條分明，一大碗夠飽。同事叫了素菜肉湯粉，素肉很像真，勁似豬腩，但其實都係麵筋類，另外亦有素叉燒，豆味香濃，菜類很新鮮，蕃茄仔好清甜，生菜夠翠綠，湯底很清甜。我叫了自家製蝦餅，手打蝦膠，真才實料，蝦餅外層炸至金黃，切成厚片，每一口都是蝦膠，仲食到蝦肉，點上甜酸醬，真係好惹味。同事叫了素春卷，一共有六件，食落很脆口，餡料好滿很足夠，正。牛油果奶昔一定要飲，很幼滑，香甜，牛油果味香濃細膩，奶綠色很吸引，配上薄荷很清新。碟豆花奶茶很靚，紫藍色很吸引，微甜，算不錯。