Video
Read full review
2014-07-23
1958 views
自從幾年前去過韓國後，就越來越鍾意食韓國野，反而唔係因韓劇而鍾意喎，因為我都唔睇韓劇嘅，更唔知Ｋ-POP興乜，總之就係愛泡菜係啦。呢間《漢城美食》係香港有４間分店，２間在尖沙咀，另外就是佐敦及旺角，揀去旺角全因近去又一城睇戲而已，冇乜特別原因嘅。呢晚只是７點，坐位已坐得滿滿了，剛巧有人埋單，我地先唔使等位就入得去坐，坐下後只有２位韓藉waitress在留面，放低Menu後就離開。店裡裝修以簡約帶點家庭的Feel的，都幾舒服，其他客人傾偈又唔大聲，太好喇。打開一個大大的餐牌，Design感十足，字體大大小小的分佈，其實倒是有點難睇的 ^^""..餐共有43款，以中英韓文且全有圖供參巧，包唔會叫錯喇吧！呢到冇酒精飲品供應，有幾款韓國飲品如薏米水、蘆薈汁及梨汁等。點菜之後，店員會為客人附上泡菜兩碟，相信係有幾多人就附上幾多碟，呢晚我地２個人所以就有２小碟喇。食完整餐後，整體而言，以加一而唔多見有乜務服務來講，但waitress禮貌幾好，而價錢與食物質素都成正比，好食又飽肚，有機會可再試試其他野食啫！呢晚我地２人點了以下野食：① 蘆薈汁(原味) 240ml ($10)② 泡菜餅 Kimchi
呢間《漢城美食》係香港有４間分店，２間在尖沙咀，另外就是佐敦及旺角，揀去旺角全因近去又一城睇戲而已，冇乜特別原因嘅。
呢晚只是７點，坐位已坐得滿滿了，剛巧有人埋單，我地先唔使等位就入得去坐，坐下後只有２位韓藉waitress在留面，放低Menu後就離開。
店裡裝修以簡約帶點家庭的Feel的，都幾舒服，其他客人傾偈又唔大聲，太好喇。
打開一個大大的餐牌，Design感十足，字體大大小小的分佈，其實倒是有點難睇的 ^^""..餐共有43款，以中英韓文且全有圖供參巧，包唔會叫錯喇吧！
呢到冇酒精飲品供應，有幾款韓國飲品如薏米水、蘆薈汁及梨汁等。
點菜之後，店員會為客人附上泡菜兩碟，相信係有幾多人就附上幾多碟，呢晚我地２個人所以就有２小碟喇。
食完整餐後，整體而言，以加一而唔多見有乜務服務來講，但waitress禮貌幾好，而價錢與食物質素都成正比，好食又飽肚，有機會可再試試其他野食啫！
呢晚我地２人點了以下野食：
① 蘆薈汁(原味) 240ml ($10)
② 泡菜餅 Kimchi Pancake ($50)
③ 什錦麵 Mixed Noodle W/Kimchi ($58)
④ 辣炒魷魚+白飯 Spicy Stir-fried Squid w/ Vegetable + Rice ($88)
附送泡菜２小碟：泡菜, 醃蘿蔔
合計：$206
10% Service Charge Total = $227
＜泡菜２小碟：泡菜, 醃蘿蔔＞
泡菜多Ｄ，都幾辣但唔算新鮮，可能放得耐左；有６片薄薄醃蘿蔔，好爽脆，與日式壽司食果Ｄ差唔多味，唔錯。
＜原味蘆薈汁＞有啫哩狀蘆薈質感嘅粒粒，有Ｄ蜂蜜味.....都幾甜。
＜泡菜煎餅＞
紅粉粉的，外皮非常香脆，所以睇落都好油下，裡面有好多泡菜，雖然幾油，不過微辣的都幾開胃好食，附上的辣椒醬反而唔辣而且頗咸，唔點佢剩食泡菜餅已經夠味喇。
＜什錦麵＞我本身係好鍾意食韓國冷麵嘅，以往都只會揀食水冷麵，今次係第一次食什錦麵，來到見到一大堆紅噹噹醬汁撈成，見到時都怕醬汁會唔會太多呢？
呢個韓式醬汁甜甜酸酸帶微辣，以我愛辣來講其實可以話唔辣添，雖然醬多，不過味道幾好只是偏甜左Ｄ，慢慢跟麵食原來都可以食得哂，又唔覺膩只覺飽啫..XD
話雖是什錦，但材料方面其實唔算多，只有泡菜、魷魚粒粒，其實只食到醬汁味；冷麵同樣食水冷麵一樣煙韌彈牙，食得韓國麵就預左要多咬幾下架喇，總括都ＯＫ嘅。
＜辣炒魷魚+白飯＞
你睇佢個款真係似中菜多於韓菜，不過佢係用左韓式辣椒醬炒，味道係好嘅，比什錦麵辣得多添。
有好多魷魚，好彈牙唔韌，正！另外配菜有洋蔥，翠玉瓜及紅蘿蔔，炒得比較淋身，爽Ｄ就好喇，其實本來食落都幾好架，可惜係食到最後見到大一浸油係碟底.....驚驚。
Post
