牛陣HANARE Platinum Label

Open Now

Now Closed

我最愛就係食壽喜燒，成日覺得香港嘅壽喜燒唔及日本好食，終於俾我搵到一間同日本一樣高質嘅壽喜燒餐廳，仲要係放題添！呢度用嘅係鹿兒島產和牛，每一片嘅油花分布均勻，肉味香濃細嫩，每片大小適中，可以一口品嚐整塊充滿油香而且柔嫩的和牛，真係好爽。放題除咗有和牛，仲有黑豚肉、日本雞肉、日本蔬菜，另外仲有前菜、魚生刺身、天婦羅，全部可以任點，真係食極都食唔完。最後仲可以食埋甜品，有柚子雪糕、日式卷蛋同埋蕨餅，真係大滿足！環境：光線明亮，採用日本輕奢風，走年輕簡潔路線。服務：侍應貼心殷勤，全面照顧客人所需，反應迅速，細心講解壽喜燒煮法。