Video
Read full review
2024-04-02
52 views
小編之前去過銅鑼灣分店，由於肚皮有限，係同等搶眼惹味嘅燒雞同火山排骨之間，只可忍痛二選一。今次到訪尖沙咀分店，一於試試上次未食到嘅火山排骨。店內畫滿海洋感覺嘅壁畫，加上紅磚牆，有點型格。🔅火山排骨 $228份量好震撼，成個火山咁，啱晒食肉獸。排骨啖啖肉，肉亦煮得軟嫩，好容易搣落嚟食。醬汁方面，小編就揀咗甜酸醬，甜甜酸酸，夠開胃🔅青咖喱軟殼蟹 $168 軟殼蟹肥嘟嘟，浸落濃郁嘅青咖喱度，有啲辣，但又好惹味。附送嘅蒜蓉包充滿牛油酥香，即使就咁食都已經好好味。最喜歡佢用小火爐慶住，保持熱度，保持辣感🔅小食拼盤 $188拼盤已經包括蝦餅、魚餅、春卷、香葉紙包雞同脆卜卜蝦片。偏好魚餅，帶獨特泰式香草味；蝦餅夠熱又彈牙；香葉紙包雞啖啖肉，吸收晒香葉香氣🔅炭燒豬頸肉 $98燒得好香口，邊位微微焦香，咬落鬆軟又香嫩
今次到訪尖沙咀分店，一於試試上次未食到嘅火山排骨。店內畫滿海洋感覺嘅壁畫，加上紅磚牆，有點型格。
🔅火山排骨 $228
份量好震撼，成個火山咁，啱晒食肉獸。排骨啖啖肉，肉亦煮得軟嫩，好容易搣落嚟食。醬汁方面，小編就揀咗甜酸醬，甜甜酸酸，夠開胃
🔅青咖喱軟殼蟹 $168
軟殼蟹肥嘟嘟，浸落濃郁嘅青咖喱度，有啲辣，但又好惹味。附送嘅蒜蓉包充滿牛油酥香，即使就咁食都已經好好味。最喜歡佢用小火爐慶住，保持熱度，保持辣感
🔅小食拼盤 $188
拼盤已經包括蝦餅、魚餅、春卷、香葉紙包雞同脆卜卜蝦片。偏好魚餅，帶獨特泰式香草味；蝦餅夠熱又彈牙；香葉紙包雞啖啖肉，吸收晒香葉香氣
🔅炭燒豬頸肉 $98
燒得好香口，邊位微微焦香，咬落鬆軟又香嫩
Post
