撈得喜火鍋冰室

Open Now

Now Closed

朋友介紹元朗撈得喜的火鍋放題，多款湯底揀都係二百蚊人頭，極親民，是晚就黎試下先。可以揀麻辣雞煲、椰子雞煲、酸菜魚、水煮魚、名爐烤魚，又或者淨湯底唔要雞或魚，總有一款啱心水。成人$198/位食兩個鐘，$288/位就食足四個鐘，抵😆揀左麻辣雞煲小辣，賣相唔錯呀，開蓋好香😋份量約有半隻雞，連雞頭雞腳都有好均真。食完雞就加湯打邊爐，自助區有唔少火鍋料選擇。蜆、蝦、蠔、肥牛、豬肉片、各類丸腸，蔬菜等，最有驚喜係手打鯪魚肉丸，鮮味彈牙，其他火鍋料不過不失啦。雪櫃飲品有冷泡茶、可樂、雪碧等，仲有嘉士伯、喜力、金獅啤酒，啤酒係最受歡迎的，我見枱枱都飲十罐以上😆最後食埋雪糕，滿足滿足。呢個價錢無投訴啦，咁怪得星期一晚都滿座要等位。