御滿屋日本料理

Open Now

Now Closed

好耐無去放題啦，經開旺角，就去御滿屋食放題。呢度都真係幾受歡迎，平日夜晚都幾多人去，証明質素唔錯。壽司刺身選擇好豐富，除左一般大路的三文魚、甜蝦、希靈魚外，亦有帶子、赤蝦等平時少見的刺身，味道都好鮮甜。壽司方面，就推介食火炙芝味和牛壽司、鵝肝伴帶子壽司同海膽手卷。自助放題區飲品區有汽水、啤酒、紅酒同清酒。仲有自助沙律吧，凍海鮮、炸物、前菜，總之就咩都有得食😂 不過最好留肚食落單嗌既美食😋串燒炸物鹽燒雞翼、鹽燒雞軟骨、同蒲燒鰻魚都燒得好香，而且調味亦都做得出色。天婦羅新鮮炸起，夠哂香脆熱辣辣。其他熱食鮮茄海鮮粉絲鍋同埋花膠湯值得推介，飲落都好足料，以放題黎講真無得輸。有Häagen-Dazs同movenpick，季節限定係哈蜜瓜口味。