相馬日式火鍋 (Closed)

放假同朋友仔去西環做瑜伽，順便夜晚喺附近食好西。我哋就搵咗一間日式火鍋放題，啱晒做完運動肚餓到飛起嘅我哋呀🤣因為我真係好鍾意食火鍋，所以我就揀咗呢間相馬☺️過到嚟呢度環境真係好靚，我見到個樓底好高，所以我哋坐落去嘅時候都好舒服。坐低咗一陣之後好快就有人過嚟serve我哋，呢度嘅服務態度真係值得讚。首先一定要講嘅就梗係海鮮拼盤啦，呢度有日本帶子 ，呢個日本帶子真係好新鮮肉質爽，之後就係我最鍾意食嘅廣島蠔🦪呢度既蠔都係大大隻，而且係好鮮甜嘅。 仲有個虎蝦都係好大隻好好食，任食來講呢個價錢真係超級正😋😋而且仲要呢度嘅肉都係好好食同埋好大份，我同我朋友食咗四轉都飽晒啦，呢度係一定食得飽🤤所以下次肚餓嘅時候都會過嚟呢度食嘢。