Video
Read full review
2016-10-10
464 views
知道呢間受歡迎成日爆滿，所以早於大半個月前已經book定枱。今晚我地叫左一個《首爾塔 $398/位（2位起）》，入面有：🦀鮑魚/蟶子/海鮮/大蚌/元貝/海螺/象拔蚌/大花蛤/北寄貝/時令花蟹/蝶蝶蚌/花尾龍躉/日本南瓜/日本蕃薯🦀🍲粥底:我揀左人蔘雞湯🐔喺開始蒸之後店員會再雞、年糕、花甲放入最低層，雞釀左人參、糯米，等上面甘多層既海鮮精華滴落去變成一窩超級鮮味既粥底！枱上有2款醬汁（柚子汁 & 麻油加海鹽），喺比你點唔同既海鮮食，但店員建議唔使點醬食，因為海鮮本身已經夠晒味。原來食海鮮塔時間的掌控好緊要，因為等塔上既溫度計由22.1度升到87度就可以叫店員開蓋食第一層，然後每層用漏斗計5分鐘就可以食，都幾好玩～每層放入唔同既海鮮令人好期待。除左海鮮外，其實入面都有菜、日本甜蕃薯、南瓜、津白、車厘茄。令成餐平衡左亦豐富左。海鮮全部都好大隻，而且肉質鮮甜而且彈牙，尤其是花尾龍躉嫩滑可口，真係唔使點醬汁都好夠味！一食落口嗰種海鮮味好濃，而且食得出每款海鮮既味道分別！食晒所有海鮮之後到最底嗰層就係已經煮得入味、又吸晒所以海鮮精華既人蔘雞湯粥底勒！嘩，一食落口真係無得頂，喺出面真係食唔到嗰種零味
🦀鮑魚/蟶子/海鮮/大蚌/元貝/海螺/象拔蚌/大花蛤/北寄貝/時令花蟹/蝶蝶蚌/花尾龍躉/日本南瓜/日本蕃薯🦀
🍲粥底:我揀左人蔘雞湯🐔喺開始蒸之後店員會再雞、年糕、花甲放入最低層，雞釀左人參、糯米，等上面甘多層既海鮮精華滴落去變成一窩超級鮮味既粥底！
枱上有2款醬汁（柚子汁 & 麻油加海鹽），喺比你點唔同既海鮮食，但店員建議唔使點醬食，因為海鮮本身已經夠晒味。原來食海鮮塔時間的掌控好緊要，因為等塔上既溫度計由22.1度升到87度就可以叫店員開蓋食第一層，然後每層用漏斗計5分鐘就可以食，都幾好玩～
每層放入唔同既海鮮令人好期待。除左海鮮外，其實入面都有菜、日本甜蕃薯、南瓜、津白、車厘茄。令成餐平衡左亦豐富左。海鮮全部都好大隻，而且肉質鮮甜而且彈牙，尤其是花尾龍躉嫩滑可口，真係唔使點醬汁都好夠味！一食落口嗰種海鮮味好濃，而且食得出每款海鮮既味道分別！
食晒所有海鮮之後到最底嗰層就係已經煮得入味、又吸晒所以海鮮精華既人蔘雞湯粥底勒！嘩，一食落口真係無得頂，喺出面真係食唔到嗰種零味精既鮮甜濃味！店員夾開雞入面既釀料比我地食，真係飽到上心口都想食晒佢！如果真係食唔晒甘點？唔怕，店員一早已經準備好外賣湯碗盒比客人外帶～餐廳絕對歡迎客人將粥帶走～
見到餐廳有多款韓國飲品，所以點左3隻嚟試下：
《海特芒果啤酒 $18》- 2.5%酒精，帶帶芒果味，好特別，喺香港的確好少可以飲到，而且酒精少，味道甜，極易入口～《真露泡泡汽酒 （桃味）$48》- 3%酒精,呢款一樣酒精少好易入口，味道似7up,同樣有汽而且味道似桃味汽水，幾好味！
《柚子米酒 $48》呢款米酒要用碗飲，好地道既似法，即刻「韓左」！我平時唔飲米酒，但呢款亦都係甜味夠多，所以平時唔飲酒既人都絕對可以飲到！值得一讚：店員好貼心，會留意到食客幾時食完一層，然後就會幫你拎走一層塔比你食下一層；而且有問必禮貌回答。
仲有，如果有客人唔食某種海鮮既話，餐廳會盡量將該款食物用第二款食物代替～客人更可以加錢叫其食物一齊蒸～幾flexible~
Post
