個日同朋友係午餐去食，我叫咗個雞扒沙律，同甜品蘋果多寶，朋友叫咗個扒餐。
印象深刻係佢啲汁，味道怪到歎為觀止。沙律醬唔知咩來，肥膩到飛起。朋友個扒餐都話醬汁怪怪地。
先講我個沙律，呢個叫沙律？我見唔到有一條沙律菜，求其比兜白菜我，就算係沙律？中式沙律啊嘛？你求其比兜細份正常沙律我，50零蚊我都收貨。一大兜白菜，笑咗。
然後個甜品，得個甜字，入邊係焗蘋果粒，上面有啲唔知係花生碎定咩。公道地講，啱啱入口OK，但真系越食越甜，直情食唔哂。老麥個蘋果派都好食過佢。
但服務好好，收枱收餐具點餐都好快手。服務周到。
唔知係太早過去，佢哋廚房冇準備好定點。我地係第一枱客，但個食物質素會唔會太過恐怖。第一次食，但以後都唔會幫襯。何況，旺角大把選擇。
