瀛豐放題料理專門店

我個fd好叻呀，搵到放題食，仲要係銅鑼灣，價錢都係二三百，仲要質素唔差，好多野食揀。上到黎都坐得幾舒服，好，坐低掃曲睇下食咩先。岀到去仲有冷盤，甜點，飲品，雪糕任吃。加錢仲有生蠔任吃，生蠔隻隻又大又肥美。叫左盤刺身，擺盤都好靚喎，刺身色澤光鮮，感覺都唔錯，幾新鮮。食落都好鮮甜，冇雪味。叫啲火炙壽司食下，都幾好，呢條鰻魚壽司仲好長添呀。炸物熱辣辣脆卜卜。啲熟食都唔錯，尤其啲泰式美食，冬蔭公湯酸辣得好正！